影片
更多
2018-07-04
228 瀏覽
今日難得我男人準時放工來觀塘接我收工，我就帶佢去我想試好耐既cafe。呢間The Hunt Coffee & Roastery 雖然離我公司有一段距離，但係勝在夠靜，唔會太多人騷擾我同男人撐枱腳，呢度樓底高，比人有足夠既空間感～雖則用了比較繽紛既顏色作裝潢同器皿，但唔會俗氣反而有一種型格，餐牌都唔似出面普通一塊膠板而係用上牛皮做既餐牌夾，別具特式。諗完一輪決定叫個炸薯條，龍蝦汁大蝦意粉，慢煮五花肉，德國芝士餅，但係我地諗唔到飲什麼好，親切既店員特意幫我地揀選配合我地菜餚既兩杯飲品-蜂蜜檸檬手搖咖啡同冰蜜糖咖啡。首先來到既係炸薯條，面頭放滿迷迭香，仲有好多白色好似椰絲既東東原來係刨出來既芝士碎，再加上用七味粉（feel 到唔係咁簡單但又講唔出來）輕輕包住每條薯條令成個薯條風味提昇。再來就係龍蝦汁大蝦意粉，首先佢既擺法高水準到令我不斷為它影相，味道更不用說的香濃美味，大蝦扎實味道咸香，軟硬度適中既意粉有龍蝦汁包裹住好食到想encore 多一碟。慢煮五花肉分量剛好給我兩小口share 來吃，五花肉先慢煮以保留肉質鮮嫩多汁，再以輕烤令外皮香脆，五花肉本身就比較肥膩，配合五花肉底下的紅酒汁黑櫻桃
呢間The Hunt Coffee & Roastery 雖然離我公司有一段距離，但係勝在夠靜，唔會太多人騷擾我同男人撐枱腳，呢度樓底高，比人有足夠既空間感～
雖則用了比較繽紛既顏色作裝潢同器皿，但唔會俗氣反而有一種型格，餐牌都唔似出面普通一塊膠板而係用上牛皮做既餐牌夾，別具特式。
諗完一輪決定叫個炸薯條，龍蝦汁大蝦意粉，慢煮五花肉，德國芝士餅，但係我地諗唔到飲什麼好，親切既店員特意幫我地揀選配合我地菜餚既兩杯飲品-蜂蜜檸檬手搖咖啡同冰蜜糖咖啡。
首先來到既係炸薯條，面頭放滿迷迭香，仲有好多白色好似椰絲既東東原來係刨出來既芝士碎，再加上用七味粉（feel 到唔係咁簡單但又講唔出來）輕輕包住每條薯條令成個薯條風味提昇。
Hunter Fries
25 瀏覽
0 讚好
0 留言
再來就係龍蝦汁大蝦意粉，首先佢既擺法高水準到令我不斷為它影相，味道更不用說的香濃美味，大蝦扎實味道咸香，軟硬度適中既意粉有龍蝦汁包裹住好食到想encore 多一碟。
Prawn Linguine with Lobster Sauce
27 瀏覽
0 讚好
0 留言
慢煮五花肉分量剛好給我兩小口share 來吃，五花肉先慢煮以保留肉質鮮嫩多汁，再以輕烤令外皮香脆，五花肉本身就比較肥膩，配合五花肉底下的紅酒汁黑櫻桃或者另設既蘋果醬一齊吃以減低油膩感及帶出不同口味。
Spanish Pork Belly & Red Wine Braised Dark Cherry
49 瀏覽
0 讚好
0 留言
德國芝士餅又令到我相機食先喇，上面有又creamy又香濃既菠蘿雪糕加上一塊薄得像玻璃一樣既士多啤梨乾同埋朱古力薄脆，呢個加上藍莓蓉作餡既勁軟滑芝士餅令早已飽飽既我都吃不停口。
German Cheese Cake With Homemade Ice-cream
19 瀏覽
0 讚好
0 留言
而兩杯咖啡都各具特式，蜂蜜檸檬手搖咖啡聞到淡淡既咖啡香，飲落口會有豐富既檸檬酸香味，不太好咖啡既朋友們都可以一試；冰蜂蜜咖啡層次分明，你可以先單一飲蜂蜜或咖啡及後攪混兩者再細心品嚐，蜂蜜單獨飲不會太甜，而咖啡你會飲出自身既果酸味，我男人對呢杯咖啡甚有興趣，問了下店員呢杯咖啡是用哪個產地的咖啡豆，店員都可以輕鬆回答，對店員於餐牌上食物既了解程度真係不得不讚賞一下，有機會真係要同啲同事再來下。
Honey Lemon Shakerato
48 瀏覽
0 讚好
0 留言
Iced Honey Coffee
19 瀏覽
0 讚好
0 留言
張貼
