祥仔辣辣 (雅蘭中心) (已結業)

朋友介紹既川菜，近排2人set特價就試下。環境幾好，燈光明亮，舒適，裝潢都幾高質，味道都一流極力推薦!前菜兩碟惹火山木耳，川味口水雞好精緻，賣相不錯。木耳涼拌好開胃，口水雞既辣醬幾令人上癮，雞肉嫩滑，我地簡左辣度最小既，唔算辣。乾煸四季豆好有咬感，肉碎多微咸，正!第一次食有辣味既小籠包，好新穎，意外地都唔錯。水餃既皮同豬肉比例剛剛好，口感不錯。招牌酸菜魚魚片簡直一流，好滑，入口即溶咁，冇骨配有芽菜，酸菜，蓮藕，蘆筍。湯底濃郁，可口入味。黃金南瓜露冇諗過系凍既，以為會系熱會好濟好甜。但佢凍又唔會太甜，可以解膩，仲有兩粒泰國既亞塔子，又黏又脆，好特別。