街坊Cafe (已結業)

見到openrice訂座有半價優惠所以同咗屋企人嚟食，但係真係只能夠話一分錢一分貨。叫咗個半價salad同半價雪糕西多士，仲有個正價扒餐。個煙三文魚沙律叫做大份，三文魚都唔少，但個問題係沙律醬多到好似沙律醬浸菜咁。叫沙律都係想健康，但係佢就搞到又酸又肥。份雪糕西多士都係令人失望嘅，等咗勁耐先到，嚟到嘅時候個雪糕已經融融地。叫咗抹茶味但隻味勁怪！似係好cheap嘅雪糕。最後講嗰個扒餐，百幾蚊一個扒餐其實都唔可以expect啲乜，但係佢又真係薄切得滯。。。問我地要幾成熟有乜用，薄到咁一上鐵板就熟哂啦😂不過有半價優惠其實都合理嘅，所以話一分錢 一分貨。