SUGAR 甜品屋 (已結業)

一直都想試下呢間甜品，但成日去開海港城那邊，唔就腳，今次搭火車前走過黎試試。到左都差唔多full，有張靠牆四人檯只係坐左兩個人，不過我地唔想同人逼埋一齊，就只係得番一張伶仃雙人檯0係中間，怪怪地，我地叫左甜蜜軟飯+椰皇湯丸。過左幾分鐘，4人檯0個兩個人走，我地即刻移位，以為坐靠牆sofa位會舒服d，點知張sofa好「un」pat，好硬，一d都唔舒服，點解會揀d咁差0既位俾客人坐架?店員0係餐具箱分別拎左一隻叉同一隻匙羹俾我地，之但係佢唔係放落檯，而係凌空扔下(離檯大約半呎距離)，我覺得佢好冇禮貌囉~然後，甜蜜軟飯先黎，我地想share食，想要多一set餐具，個店員就好似好唔情願咁再fing過黎，講真，我覺得張檯一d都唔會係乾淨，根本應該係甜品黎到時先遞餐具俾我地先0岩我地都覺得個甜品外觀幾好，不過其實好簡單，所謂賣點0既意大利飯只係得一啖飯咁多(即係相中白色那一部分)，真係矜貴，食落口又唔凍又唔熱咁好怪，加埋兩球雪糕、中間有朱古力慕絲，最底有粟米片，組合係幾多元化，但逐樣食之下，都係同普通0既甜品屋差唔多，味道冇話特別唔同，食完一次已經夠。而椰皇湯丸入面有d珍珠，不過煮到比較稔，同埋d