影片
更多
2020-10-25
988 瀏覽
2020年第一餐出街食既大閘蟹, 之前食過稻香同小南國, 今年試下金兜記。套餐$378 加 一，包 1. 大閘蟹任食 2. 花膠湯 3. 黃金蝦球 4. 豉油王乳鴿 5. 生炒糯米飯 6. 薑茶八點去到, 話book左四位即刻有得入。未食之前睇食評話餐廳比較地踎, 以為係大排檔咁既樣, 所以去到發現係酒樓即時覺得環境都ok。坐低冇耐就上花膠湯, 幾好飲。黃金蝦球, 朋友話好食但我覺得蝦肉有d梅。主角大閘蟹, 黎左兩輪, 第一輪全部都係公, 以為佢第二輪會係乸, 點知又係全部都係公, 而家應該係食乸既季節, 唔知係冇乸定見我地冇問就俾哂d公我地, 食左兩輪已經好飽所以冇問佢有冇乸, 不過真心失望。建議下次去既朋友如果想兩樣都試下就問下佢。蟹公唔叫太多膏, 但每一隻都有, 冇咩特別。乳鴿ok, 不過都係冇咩特別。生炒糯米飯同薑茶冇影相, 朋友話糯米飯好味, 我見到個糯米飯得d花生, 興趣不大就淨係試左少少。價錢黎講算係咁, 不過如果為左食大閘蟹我會揀返稻香。
套餐$378 加 一，包 1. 大閘蟹任食 2. 花膠湯 3. 黃金蝦球 4. 豉油王乳鴿 5. 生炒糯米飯 6. 薑茶
八點去到, 話book左四位即刻有得入。
未食之前睇食評話餐廳比較地踎, 以為係大排檔咁既樣, 所以去到發現係酒樓即時覺得環境都ok。
坐低冇耐就上花膠湯, 幾好飲。
黃金蝦球, 朋友話好食但我覺得蝦肉有d梅。
主角大閘蟹, 黎左兩輪, 第一輪全部都係公, 以為佢第二輪會係乸, 點知又係全部都係公, 而家應該係食乸既季節, 唔知係冇乸定見我地冇問就俾哂d公我地, 食左兩輪已經好飽所以冇問佢有冇乸, 不過真心失望。
建議下次去既朋友如果想兩樣都試下就問下佢。
蟹公唔叫太多膏, 但每一隻都有, 冇咩特別。
乳鴿ok, 不過都係冇咩特別。
生炒糯米飯同薑茶冇影相, 朋友話糯米飯好味, 我見到個糯米飯得d花生, 興趣不大就淨係試左少少。
價錢黎講算係咁, 不過如果為左食大閘蟹我會揀返稻香。
張貼
