影片
更多
2006-10-11
16 瀏覽
呢區咁多年, 我都未試過呢間d野食, 聽聞好好味, 再上黎睇下d口碑都唔錯喎, 於是尋晚鼓起勇氣去試下啦, 發覺都係不外如是, 並冇咩大驚喜!個個都話呢度d焗飯好味, 咁咩都唔敢試住啦, 淨係試焗飯好喇! 於是我叫左個勁辣牛魔皇焗鴛鴦飯, 而友人就叫左個芝士焗海鮮豬扒鴛鴦飯, 一個配羅湯同蒜蓉包, 一個配凍檸茶! 先講羅湯同蒜蓉包, 羅湯好咸同埋冇辣味, 唔係好正; 而蒜蓉包係餐包入面有蒜蓉, 同平時食開唔同, 個包幾軟熟, 一d都唔硬, 幾好! 咁個芝士焗海鮮豬扒鴛鴦飯, 海鮮有魷魚, 帶子, 蟹柳同埋蝦仁, 魷魚好香好脆不過好難咬得斷, 幾難下; 帶子得一粒, 友人話唔脆不過可以啦; 蟹柳就一般而蝦仁就好唔得, 一d都唔鲜, 絕對唔好食; 至於豬扒就真係唔錯, 好鬆冇骨夠味, 仲要切件上, 個汁仲好味好開胃, 即刻令我諗起佢地焗豬扒飯應該好好味! 至於個勁辣牛魔皇焗鴛鴦飯就真係有d搵笨喇, 用黑椒汁同咖哩汁配飯, 黑椒牛仔骨同咖哩牛榐, 一啖食落口諗住會勁辣啦, 點知一d都唔辣, 如果係有少少辣你就唔好寫勁辣啦, 勁辣真係諗住你會辣到人食唔到, 你可以寫香辣架大佬, 直頭貨不對辦,
個個都話呢度d焗飯好味, 咁咩都唔敢試住啦, 淨係試焗飯好喇! 於是我叫左個勁辣牛魔皇焗鴛鴦飯, 而友人就叫左個芝士焗海鮮豬扒鴛鴦飯, 一個配羅湯同蒜蓉包, 一個配凍檸茶!
先講羅湯同蒜蓉包, 羅湯好咸同埋冇辣味, 唔係好正; 而蒜蓉包係餐包入面有蒜蓉, 同平時食開唔同, 個包幾軟熟, 一d都唔硬, 幾好! 咁個芝士焗海鮮豬扒鴛鴦飯, 海鮮有魷魚, 帶子, 蟹柳同埋蝦仁, 魷魚好香好脆不過好難咬得斷, 幾難下; 帶子得一粒, 友人話唔脆不過可以啦; 蟹柳就一般而蝦仁就好唔得, 一d都唔鲜, 絕對唔好食; 至於豬扒就真係唔錯, 好鬆冇骨夠味, 仲要切件上, 個汁仲好味好開胃, 即刻令我諗起佢地焗豬扒飯應該好好味! 至於個勁辣牛魔皇焗鴛鴦飯就真係有d搵笨喇, 用黑椒汁同咖哩汁配飯, 黑椒牛仔骨同咖哩牛榐, 一啖食落口諗住會勁辣啦, 點知一d都唔辣, 如果係有少少辣你就唔好寫勁辣啦, 勁辣真係諗住你會辣到人食唔到, 你可以寫香辣架大佬, 直頭貨不對辦, 真係想退貨! 不過又要讚下個d牛仔骨同牛榐又幾鬆, 焗完都咁鬆叫做算係咁啦! 飯就冇咩特別啦, 我個人就覺得多左d蔥, size又唔算大碟喎! 而凍檸茶就一般, 冇咩特別!
唔知係我唔識叫定咩啦, 總言之又唔係話咁好, 但又唔係咁差, 味道都算ok, 都食得過! 下次仲會唔會去就真係要諗下先喇, 我個人覺得有d名大過實!
張貼