炎天丼 (已結業)

自己好鍾意食天婦羅丼，但係香港嘅天婦羅丼基本上以前都係百幾蚊起跳。自從有咗炎天丼，我就成為咗幫襯嘅常客。老實講我覺得呢一個價錢真係冇嘢好挑剔，仲可以享受到炸天婦羅流心蛋。雖然蝦唔會話好大隻，但係都唔會覺得係好霉。魷魚爽口彈牙，全部炸物好多時都係熱辣辣新鮮出爐。而且我真係超級鍾意佢嘅炸菜心，第一次知道原來菜心可以做天婦羅。佢嘅茄子炸得超好食，茄子好軟熟，我唔相信鍾意食茄子嘅人會唔鍾意炎天丼嘅茄子。如果真係要喺雞蛋入邊挑骨頭，我會話我覺得佢嘅醬汁甜咗少少。除此之外，好多時候係我食到一半，侍應哥哥都會問我夠唔夠飯素，我話唔夠佢就會俾好多我，超級主動好客，有時真係唔好意思同佢講多得滯。