影片
更多
2016-06-06
3586 瀏覽
好鍾意食意大利菜，薄薄pizza、risotto、pasta全部都啱，呢度一直係我目標之列，灣仔店唔太就腳，就選尖沙咀吧。尖咀店隱藏係Mira mall 2樓一角，平時真係好少機會經過，但都唔算難搵。食意菜的地方通常唔會好拘謹，呢度亦走casual dining路線，環境明亮舒適，同一班朋友來都適合。事前有做少少功課，知道邊幾樣必點，亦知道點餐後會奉上餐前麵包，肚餓的我當然好期待。點知等到送上第一道菜仍未見麵包蹤影，就忍唔住問侍應，換來只係冷冷的一句：冇左一排啦。果句冷言猶如一盤冷水，頓時扣晒印象分。算，服務唔好唯有寄望食物質素吧。 Quattro Formaggi（$128）係其中一樣必點的，如果大家同我一樣係芝士控的話。個名好似好深，其實即係四色芝士pizza，包括asiago、parmesan、mozzarella、fontina，配以茄醬做底，最愛咁簡單的pizza。剛焗起的pizza熱辣辣，一啖咬下好有牽絲效果（凍左就冇呢個效果），芝士鹹香十足，餅底都算薄，微微隆起的批邊好脆，大力少少都會整碎。相對於pizza，我對risotto更為鍾愛，所以明知今次三五成群咁食飯，我都照
事前有做少少功課，知道邊幾樣必點，亦知道點餐後會奉上餐前麵包，肚餓的我當然好期待。點知等到送上第一道菜仍未見麵包蹤影，就忍唔住問侍應，換來只係冷冷的一句：冇左一排啦。果句冷言猶如一盤冷水，頓時扣晒印象分。算，服務唔好唯有寄望食物質素吧。Quattro Formaggi（$128）係其中一樣必點的，如果大家同我一樣係芝士控的話。個名好似好深，其實即係四色芝士pizza，包括asiago、parmesan、mozzarella、fontina，配以茄醬做底，最愛咁簡單的pizza。剛焗起的pizza熱辣辣，一啖咬下好有牽絲效果（凍左就冇呢個效果），芝士鹹香十足，餅底都算薄，微微隆起的批邊好脆，大力少少都會整碎。
相對於pizza，我對risotto更為鍾愛，所以明知今次三五成群咁食飯，我都照點左分量少的risotto（每人只分到一湯匙左右😆）。呢道係 black truffle paste & Parmesan risotto（$88），又係簡單的黑松露醬+芝士配搭，撈勻之後黑松露香氣四溢，飯粒唔會遷就香港人口味煮得腍，有咬口，醬汁亦creamy，不俗。
反而意粉就普通左d， Spicy crab meat & garlic spinosini（$108），雖然話辣，其實唔多感受到。蟹肉算多，有一絲絲亦有一舊舊，感覺似生拆而唔係罐頭貨色，味道亦鮮。只係純碎個人喜好問題，我唔太鍾意多汁的意粉，整體問題都不大。
另一款係 Seafood spaghetti（$98），有魚、青口、魷魚、蝦等等，材料鮮，加上少少茄汁底，係比較清的一道意粉。
大家share左一壺無酒精的peach tree（$120），內有桃、橙汁同sprite，橙味稍蓋過左桃味，不過酸酸甜甜都幾醒胃。
值得去指數：
張貼
