影片
更多
2020-03-19
1407 瀏覽
本身係響台北享受緊美食，然而我人仍然在香港，好似「跌落地揦返拃沙」咁🤣，走去食台灣嘢！想試呢間好耐，只係成日都好多人好怕排隊等位而仲未嚟試！咁啱早去觀塘，開舖冇耐就去，輕鬆有位！裝修都幾有懷舊氣息㗎😍😋好味推界😋🍴酥炸魷魚（$39）呢個真係超級好食同抵食，本身想食塩酥雞，不過發現原來魷魚都係貴$2，即刻轉呔，叫酥炸魷魚！嘩！嚟到時估唔到有咁多！好係台灣價錢咁！好香脆，魷魚煮得剛剛好，唔韌，調味出色，必點必點必點！重要事情講3次🍴阿元魯肉飯（$42）呢個又係好好味，我自己比較鍾意食有肉粒響飯面而唔係就咁肉碎汁嘅魯肉飯，飯面鋪咗好多半肥瘦肉粒，因為有肥膏部分，每啖都真係好有油香，同埋粒肉好入味（怕肥嘅人就好難enjoy，我就係食咗先...下餐再減嘅人🙈）下面當然都有肉碎汁，有蛋同菜！我自己覺得呢個抵過魯肉飯好多，因為大碗好多㗎！🍴蚵仔大腸麵線（$40）蚵仔同大腸都幾多，口味同台灣差唔多，做得好好！😶尚可選擇😶🍴西柚綠茶（+$10）+ 咖啡磚（+$3）叫飯麵小吃類別+$10 叫嘅，有8款選擇，有一半都唔太吸引，就揀呢個，其實係普通台式嘢飲，正常！只係叫少冰都好多冰！另外係我自己揀咗一個奇怪配
想試呢間好耐，只係成日都好多人好怕排隊等位而仲未嚟試！咁啱早去觀塘，開舖冇耐就去，輕鬆有位！裝修都幾有懷舊氣息㗎😍
😋好味推界😋
🍴酥炸魷魚（$39）
呢個真係超級好食同抵食，本身想食塩酥雞，不過發現原來魷魚都係貴$2，即刻轉呔，叫酥炸魷魚！嘩！嚟到時估唔到有咁多！好係台灣價錢咁！好香脆，魷魚煮得剛剛好，唔韌，調味出色，必點必點必點！重要事情講3次
酥炸魷魚
$39
58 瀏覽
0 讚好
0 留言
🍴阿元魯肉飯（$42）
呢個又係好好味，我自己比較鍾意食有肉粒響飯面而唔係就咁肉碎汁嘅魯肉飯，飯面鋪咗好多半肥瘦肉粒，因為有肥膏部分，每啖都真係好有油香，同埋粒肉好入味（怕肥嘅人就好難enjoy，我就係食咗先...下餐再減嘅人🙈）
下面當然都有肉碎汁，有蛋同菜！我自己覺得呢個抵過魯肉飯好多，因為大碗好多㗎！
阿元魯肉飯
$42
106 瀏覽
0 讚好
0 留言
🍴蚵仔大腸麵線（$40）
蚵仔同大腸都幾多，口味同台灣差唔多，做得好好！
蚵仔大腸麵線
$40
75 瀏覽
0 讚好
0 留言
😶尚可選擇😶
🍴西柚綠茶（+$10）+ 咖啡磚（+$3）
叫飯麵小吃類別+$10 叫嘅，有8款選擇，有一半都唔太吸引，就揀呢個，其實係普通台式嘢飲，正常！只係叫少冰都好多冰！另外係我自己揀咗一個奇怪配搭，就係加咖啡磚，兩者係唔夾嘅😅
西柚綠茶+咖啡磚
67 瀏覽
0 讚好
0 留言
張貼
