影片
更多
2023-11-06
298 瀏覽
鰂魚涌地鐵站A出口，過馬路就到，非常方便。.星期一下午都有唔少人，不過好快就有位。.雖然餐牌有好多嘢都好吸引，但第一次食，見蕃茄似乎係佢哋招牌菜式，覺得點都要試一試😀.🥢 麻辣蕃茄湯米線加炒滑蛋 配瑞士汁雞髀 $59蕃茄湯 - 加埋麻辣，配搭好好食，酸甜辣都齊晒，香濃入味，令人非常開胃炒滑蛋 - 應該有用奶炒，滑得嚟，蛋香都好出米線 - 感覺發漲咗少少，唔係碗麵就完美啦瑞士汁雞髀 - 偏甜，但雞髀肉嫩入味，係好出色嘅雞髀👍🏻.🥢咖喱豬扒撈丁 $52唔知關唔關下午茶事，份量好似有啲少，但豬扒煎得好好，咖喱味都好香滑，都屬於高分之作👍🏻.飲品選擇感覺比一般茶餐廳多，飲品正正常常。.餐廳裝修設計行香港懷舊復古風，而座位都幾寬闊，覺得環境唔錯👍🏻
.
星期一下午都有唔少人，不過好快就有位。
.
雖然餐牌有好多嘢都好吸引，但第一次食，見蕃茄似乎係佢哋招牌菜式，覺得點都要試一試😀
.
🥢 麻辣蕃茄湯米線加炒滑蛋 配瑞士汁雞髀 $59
蕃茄湯 - 加埋麻辣，配搭好好食，酸甜辣都齊晒，香濃入味，令人非常開胃
炒滑蛋 - 應該有用奶炒，滑得嚟，蛋香都好出
米線 - 感覺發漲咗少少，唔係碗麵就完美啦
瑞士汁雞髀 - 偏甜，但雞髀肉嫩入味，係好出色嘅雞髀👍🏻
.
🥢咖喱豬扒撈丁 $52
唔知關唔關下午茶事，份量好似有啲少，但豬扒煎得好好，咖喱味都好香滑，都屬於高分之作👍🏻
.
飲品選擇感覺比一般茶餐廳多，飲品正正常常。
.
餐廳裝修設計行香港懷舊復古風，而座位都幾寬闊，覺得環境唔錯👍🏻
張貼
