花月庭 (已結業)

花月庭自助餐，不嬲都好出名好難book位，所以三個禮拜前已經要book位，由於係假期關係去到花月庭餐廳已經有一條長長的人龍排緊隊，等咗大約20分鐘就安排入座。餐廳環境都頗大，雖然仍然有限聚令4人一枱，都全場爆滿，當然急不及待即刻出去攞嘢食啦！🤭🤭🤭三文魚同埋壽司都好新鮮好好食，掛住食有啲都唔記得影😪沙律菜好fresh 有清新嘅感覺👆👍火腿都好好食選擇都唔少。生蠔都好肥美同埋鮮甜，食落去都好creamy😋見到有海南雞飯當然唔放過啦！😜好食。叉燒略嫌過瘦有啲鞋，麻麻地。甜品真係好多款，多到你數唔曬，花多眼亂每一款想食🙄有葡撻，格仔餅，藍莓嘅布甸，都係我嘅至愛🤭Cake拎左芒果蛋糕，士多啤梨蛋糕，班蘭蛋糕，同藍莓蛋糕，食到呢個round真係好飽🤭點樣飽都要擦埋個雪糕先，哈哈哈🤣下次有機會真係想食多次，極力推介呢間花月庭自助餐冇得輸👍👍👍最後講到職員服務態度，都好好，收碟好快雖然咁多人客，D食物都不停refill，抵讚👍、