外野手 (已結業)

去過青葉幾次﹐但係見呢間有咁多好評﹐所以就帶老婆來試試。入到去﹐地方唔大﹐燈光有d暗。因為第一次來﹐所以唔知道放係臺上果十幾張零零散散既order紙係一共有幾多張唔同。但係watier來問係唔係第一次來之前已經figure out左. 食物方面每樣都好新鮮同好味, 跟本冇野係覺得唔好。直得一讚既係佢地既炸物﹐每次都炸得剛好﹐炸天婦羅外脆內軟﹐樣樣來時都好熱。壽司亦做得好有心思﹐賣相好好。唔係普普通通貨式﹐但係最衰唔可以剩係叫一件。魚生果日佢地張order紙把禜螺&針魚察去。有些少失望﹐因為未試過針魚。但係三文魚真係好好味﹐大大件﹐好香魚油味﹐切得厚。但係擺入口後咬幾下就融化﹐冇得頂﹐牛油帶子亦好出式﹐香香既牛油味配埋帶子好好味。但有一次d帶子有少少乾。今次係本人第一次食可樂骨﹐感覺有d似食緊tony romas既ribs。好好味﹐有好多野都想食﹐但係個肚已經再載唔落。Service 方面亦好好﹐無溜過單﹐但有兩次送上唔係我地叫既野。