喜來稀肉 (已結業)

一路都好想試喜來稀肉，但好日都唔去尖沙咀。佢終於開左黎荃灣喇！（荃灣真係越黎越多野食）雖然佢位置比較隔涉，但係上到去都好多人 所以都好期待嘅....一坐低就有蛋漿，有兩種味嘅，純蛋漿及泡菜。前菜選擇就較少喇，得例牌嘅泡菜、芽菜等等，不過就仲有個海帶湯。叫左招牌護心肉，份量都幾多，佢就話係好珍貴既，一隻豬得 200-300g，不過食落就冇乜特別，肉質比較實但唔算太韌，每一舊切得比較細嘅。反而覺得五花腩仲好食，夠肥夠肉味，仲大大舊畀你自己剪，又可以夾生菜食。而喜來稀肉牛肉都幾出色，不過整體就冇想像中咁好食囉。同埋啲 Waiter 成日黑面，好似唔多想做咁。