影片
更多
2021-06-20
1075 瀏覽
2021年6月20日 晴父親節行程第二站去左sky100，於是晚餐就揀左elements ge 餐廳。前一日先打去book 竟然仲有位，餐廳好貼心咁會打黎confirm booking。坐底每枱會有一碟小食 $18，係麻辣芽菜，唔會好辣，好食恭親王京燒羊腩 $198，餐牌見到呢個名好特別就想試下。佢並唔係燒而係炸，粉漿一黎已經淋曬，但好搞笑下面有一塊d 脆漿唔同款（左邊底下個塊）反而佢係脆ge...入口羊腩都算淋，係孜然味。第一下反應係：嘩，原來恭親王食d 咁ge 野。瓦屋山龍抄手 $68，一碟有6粒，皮太厚，汁偏甜，唔係幾好食。茶樹菇香乾 $128，呢個幾香，好惹味，但就咁食太咸，叫左兩碗白飯送飯食，佢有幾款菇同豆腐乾，好食稻成松子魚 $388，幾大條魚，但我覺得佢炸得唔夠脆，魚骨起左出黎，食落啖啖肉，不過個汁都係咸左dd，送飯就arm。鹽爆牛柏葉 $118，開頭以為係炸ge，原來係炒ge。不過佢唔係好乾身個d，濕濕地，食落都幾香ge，不過同個名就好貼切，因為真係超級咸！咸到要後尾用茶沖一沖佢，唔中意食太咸ge 人真係唔好叫呢款。不過佢個口感都幾好，牛栢葉唔會過老，但真係太咸la..
父親節行程第二站去左sky100，於是晚餐就揀左elements ge 餐廳。前一日先打去book 竟然仲有位，餐廳好貼心咁會打黎confirm booking。
坐底每枱會有一碟小食 $18，係麻辣芽菜，唔會好辣，好食
恭親王京燒羊腩 $198，餐牌見到呢個名好特別就想試下。佢並唔係燒而係炸，粉漿一黎已經淋曬，但好搞笑下面有一塊d 脆漿唔同款（左邊底下個塊）反而佢係脆ge...入口羊腩都算淋，係孜然味。第一下反應係：嘩，原來恭親王食d 咁ge 野。
瓦屋山龍抄手 $68，一碟有6粒，皮太厚，汁偏甜，唔係幾好食。
茶樹菇香乾 $128，呢個幾香，好惹味，但就咁食太咸，叫左兩碗白飯送飯食，佢有幾款菇同豆腐乾，好食
稻成松子魚 $388，幾大條魚，但我覺得佢炸得唔夠脆，魚骨起左出黎，食落啖啖肉，不過個汁都係咸左dd，送飯就arm。
鹽爆牛柏葉 $118，開頭以為係炸ge，原來係炒ge。不過佢唔係好乾身個d，濕濕地，食落都幾香ge，不過同個名就好貼切，因為真係超級咸！咸到要後尾用茶沖一沖佢，唔中意食太咸ge 人真係唔好叫呢款。不過佢個口感都幾好，牛栢葉唔會過老，但真係太咸la...
宮保雞丁 $128，好耐冇食宮保雞丁，d 雞好淋，食得出係雪藏雞，仲有鬆肉粉味...成碟最好食ge 係佢d 腰果，真係幾好食。但d 雞就真係唔得...
豆沙鍋餅 $78，新鮮整起好熱辣辣，味道唔錯，不過個皮就唔夠鬆脆。
高力豆沙 $78，圓碌碌好得意，又係超級熱ge 食物，咬落去inin unun，唔會好甜，唔錯
加埋茶位$10/位 同兩碗白飯埋單都要$1410，呢個價我覺得可以食得更好。本身想叫半隻片皮鴨但賣曬...然後後尾用茶沖下個牛栢葉唔知點解見到碗水有隻蚊滋仔...點解永遠有蟲都會俾我見到呢呢間好處係佢上菜超快，唔洗等好耐已經有得食。但真係太咸啦...如果唔係咁咸其實都幾好食ge
張貼
