影片
更多
2014-12-28
1401 瀏覽
有次喺日式零食店買咗盒馬卡龍黎試，覺得味道怪怪的，好似食緊香口膠咁，完全唔掂，啱啱捐完血，冇野搞就令我想起不如去尖沙咀啦，嗰邊有好幾間唔錯嘅店，就決定坐地鐵過去了。。。去到海港城。。。。好多人，包括拉住行李嘅自由行，就因為咁嘅原因所以我唔中意黎尖沙咀，對我哩種人黎講，簡直就係受罪。。。我又天星碼頭嗰邊入，對唔認識路嘅人黎講問人係最好辦法，人又多，有玩緊迷宮嘅感覺。。。。。。海港城真係好大（係好長，又一邊行去另外一邊真係幾無奈），問完人再睇下商場地圖，終於俾我搵到哩間今日嘅目標【Pierre Herme】了。入到去，聽到店員話要排隊，排隊排隊。。。有店員serve緊前面嘅客人，就等等我，終於等到了，有另外一位店員小姐行埋黎喇，但唔知點解，佢居然先serve企喺我後面個自由行女士。。。唔通我真係咁冇存在感咩? 算了，可能佢以為我同前面嘅客人係一齊架啦，冇所謂啦，放假我唔趕時間。。。。。。啱啱位小姐幫完個自由行，終於留意到我仲企咗喺度喇，就先問我要幾多件啦，之前已經聽到一次過最少要買7件，一個大男人想試下味姐，買咁多做乜？ 就7件啦。。。冇記錯位店員好似叫我【小姐】，我係因為行一大段路所以除
去到海港城。。。。好多人，包括拉住行李嘅自由行，就因為咁嘅原因所以我唔中意黎尖沙咀，對我哩種人黎講，簡直就係受罪。。。我又天星碼頭嗰邊入，對唔認識路嘅人黎講問人係最好辦法，人又多，有玩緊迷宮嘅感覺。。。。。。
海港城真係好大（係好長，又一邊行去另外一邊真係幾無奈），問完人再睇下商場地圖，終於俾我搵到哩間今日嘅目標【Pierre Herme】了。
入到去，聽到店員話要排隊，排隊排隊。。。有店員serve緊前面嘅客人，就等等我，終於等到了，有另外一位店員小姐行埋黎喇，但唔知點解，佢居然先serve企喺我後面個自由行女士。。。唔通我真係咁冇存在感咩? 算了，可能佢以為我同前面嘅客人係一齊架啦，冇所謂啦，放假我唔趕時間。。。。。。
啱啱位小姐幫完個自由行，終於留意到我仲企咗喺度喇，就先問我要幾多件啦，之前已經聽到一次過最少要買7件，一個大男人想試下味姐，買咁多做乜？ 就7件啦。。。冇記錯位店員好似叫我【小姐】，我係因為行一大段路所以除咗件外套，件T又緊身，令我露咗啲胸肌出黎，咁都唔係小姐架，我似Tom-boy咩？算，可能係位店員小姐講野太溫柔令我聽錯姐，冇所謂啦。。。之後再問我想要邊隻顏色嘅盒，真係體貼喇，我都明白係有好多人買返去同人share或者啲男士們買去送俾女朋友的，明白明白，理解理解，是但啦，就哩個啦。。。
開始揀口味了，頭先聽到前面個男人要咗4件白色嗰一隻，咁我就要兩件啦，唔好靠害呀。然後要一件鵝肝朱古力，然後再要朱古力熱情果，其他就。。。唔記得，就記得係位店員小姐提議的。
俾錢，之後就有另外一位女店員將盒馬卡龍放的靚靚攞過黎喇，佢好似同我講過啲乜，不過佢實在太溫柔了，聽唔清楚，好似係講關於保藏嘅事，冇所謂啦，一黎佢可愛嘅外貌加上親切嘅笑容令我得到最後嘅安慰，二黎我準備等陣一個人食曬佢
出去搵個地方坐低就開始試味了。。。咬咬，外面有點點質感但軟軟的，裡面用條脷一壓就軟下去了，非常鬆化，甜味亦剛剛好，唔會太甜，感覺唔錯啵。。。再食另一塊，再一塊。。。每一件感覺都有少少唔同，都好味，大男人嘛，食野食出感覺就好，我先唔會記得味道有咩分別，又食過咩味呀，係咪? 睇緊我哩篇食評嘅男士們 本來只係想食3件試下味，但食下又一件，食下又一件，食多咗一件添。。。
最後剩返3件，點處置? 呵呵，有機會食我口水尾嘅人咪知囉，我就話，男人老狗經過好多時只係想試試味，感受一下，但一下感受就要買7件俾220蚊，代價就高咗啲囉，食剩攞住周圍行又麻煩，攞返去同人share又違背咗想試食嘅想法，點解一次過要買咁多呢，何況附近大把選擇又唔係得你一間店，所以就算味道係唔錯的，我問自己，最後都只係可以俾到OK嘅評分
張貼
