影片
更多
2009-05-09
19 瀏覽
出左九龍灣, 原本想去大榮華, 不過冇訂檯有排等, 爸爸於是就帶我們到這裡。這裡本應是食堂, 入口好似工廠大廈, 但上到去d裝修和一般酒樓一樣, 而且簡單得黎都幾新幾乾淨。鹵水牛海踅: 牛入味, 薄薄的好多片, 海踅我冇食, 但爸媽說ok爽口帶麻油香, 不錯!野菌素菜煲: 有好幾種菇, 包括秀珍菇, 雞脾菇, 鮑魚菇同一種不知名的菇, 全都炆得夠淋又吸滿了湯汁, 底下的白菜仔都煮得岩岩好, 惟一係湯汁稍微過咸。XO醬蜜豆駝鳥肉: 呢個好辣(我唔食得辣)! 但辣得黎又冇咩XO醬的惹味, 蜜豆稍硬, 但未知是否鬆肉粉的關係, 駝鳥肉就好淋, 但都有肉味。組合起來是個不過不失的菜 。椒鹽鮮魷: 炸得金黃, 魷魚夠厚, 炸粉厚薄適中, 比一般酒樓好, 但比食海鮮的地方如西貢就不夠脆口, 魷魚亦不夠爽口彈牙, 稍慊過韌, 但呢度價錢平咁多, 同埋又唔係專做海鮮, 當然唔可能咁比啦~ 海底椰糖水: 飯後贈送之糖水有2款, 紅豆沙同海底椰, 我地3個都揀了後者。椰汁味濃且滑但不膩, 每一口都食到海底椰, 很不錯的。總括而言, 睇門面正常係會對呢間酒樓完全不抱任何期望, 但點知無論食物質素, 份量
出左九龍灣, 原本想去大榮華, 不過冇訂檯有排等, 爸爸於是就帶我們到這裡。
這裡本應是食堂, 入口好似工廠大廈, 但上到去d裝修和一般酒樓一樣, 而且簡單得黎都幾新幾乾淨。
鹵水牛海踅: 牛入味, 薄薄的好多片, 海踅我冇食, 但爸媽說ok爽口帶麻油香, 不錯!
野菌素菜煲: 有好幾種菇, 包括秀珍菇, 雞脾菇, 鮑魚菇同一種不知名的菇, 全都炆得夠淋又吸滿了湯汁, 底下的白菜仔都煮得岩岩好, 惟一係湯汁稍微過咸。
XO醬蜜豆駝鳥肉: 呢個好辣(我唔食得辣)! 但辣得黎又冇咩XO醬的惹味, 蜜豆稍硬, 但未知是否鬆肉粉的關係, 駝鳥肉就好淋, 但都有肉味。組合起來是個不過不失的菜 。
椒鹽鮮魷: 炸得金黃, 魷魚夠厚, 炸粉厚薄適中, 比一般酒樓好, 但比食海鮮的地方如西貢就不夠脆口, 魷魚亦不夠爽口彈牙, 稍慊過韌, 但呢度價錢平咁多, 同埋又唔係專做海鮮, 當然唔可能咁比啦~
海底椰糖水: 飯後贈送之糖水有2款, 紅豆沙同海底椰, 我地3個都揀了後者。椰汁味濃且滑但不膩, 每一口都食到海底椰, 很不錯的。
總括而言, 睇門面正常係會對呢間酒樓完全不抱任何期望, 但點知無論食物質素, 份量同服務(所有餸都以透明膠蓋蓋住直到上菜, 而且待應見又會問下冷氣是否過大, 見你食晒d飯仲有餸就問你駛唔駛添飯等...)都比好多大集團酒樓好, 惟一唔好係設有雀局, 只得屏風隔開, 我地又咁岩坐正屏風旁, 真係好嘈。呢餐飯大家都食得好滿意。
張貼
