孖啡 (已結業)

大佬話睇到孖啡食評唔錯，星期六早上經OPENRICE訂位，餐牌主菜有5折優惠，好似好抵好吸引。當日訂位2:30，2:15分到達，門口狹窄，成棚人喺度等安排入座。大概10分鐘就安排咗坐喺梳化窗口位。經詢問後5折優惠只適用於指定主菜，仲一定要ORDER一杯正價飲品先可享有優惠，好取巧，形同虛設。所以我哋都係選擇咗LUNCH SET。黑松露野菌意大利飯 - 黑松露味唔突出，野菌都冇咩發現。汁係相當多同濃嘅忌廉味，飯面有好少量嘅芝士碎，仲有半粒格格不入嘅車厘茄。飯質偏淋爛，完全冇意大利飯應有嘅口感，而且入口感覺過稠，好似食緊忌廉撈飯。龍蝦汁海鮮天使麵 – 個龍蝦汁似湯多啲，味道尚算有標準龍蝦湯嘅味道，不過就好稀，好似食緊湯意粉多啲。天使麵煮得啱啱好，食落爽口有少少彈牙。餸方面有青口同蝦仁各兩件、4至5件魷魚圈同少量罐頭蘑菇片。海鮮冇咩特別嘅急凍貨。龍蝦湯 (加$25) – 其實同龍蝦汁海鮮天使麵個所謂龍蝦汁係同一樣嘢，只不過落咗啲忌廉，飲落質感會比較竭身，味道係一模一樣。飲品要咗杯凍齋啡，味道頗淡。另加唔知幾錢叫咗杯 ，反而呢個有啲意外驚喜，雖然知道唔係新鮮水果打成，但係飲落清爽荔枝同菠蘿味，