上海會館

營業中

休息中

一向都鍾意食上海菜，今次同朋友喺附近，見到個樣都幾靚，就行咗入去食，點知呢個係一個錯誤選擇。上海菜講求濃油赤醬，就算而家啲人要健康，食得冇咁濃味，但係都唔係去到咁冇味㗎。清炒萵筍絲，萵筍唔甜，冇乜調味，除咗生日切得幾幼之外，真係冇嘢出色。菜肉雲吞仲過分，呢度係上海菜館，唔係廣東粉面店，點解會加咗紫菜落去，上海雲吞要加嘅話，應該係加雪菜或者榨菜，而家變成三不像。三鮮炒年糕，味道又係奇奇怪怪，三鮮材料一啲都唔鮮，火腿唔靚，蝦冇味，我真係理解唔到喺咁多嘢食嘅東大街呢間嘢點解生存到。