御泰坊-泰越菜 (已結業)

閒日下午，一行4人，同行友人有會員優惠，決定到這店食埋啲couple。點了一個2人餐，再加生菜肉碎包，柚子沙律，couple 送的串燒。套餐內有兩碗胡椒豬肚湯，二杯飲品，我們二人要湯二人要了青檸soda. 我飲了湯已經半飽，因為好足料，豬肚好食。個湯我喜歡，但不似泰菜，二人套餐內的湯，牛仔骨，咖喱海鮮，都似去酒樓或茶餐廳食小菜套餐的感覺。係小食有件蝦餅，米紙卷有啲越南菜泰菜feel, 只是feel, 不是味。柚子沙律，打拋豬，串燒，都係好港式味道。打拋豬都幾辣，但冇嘜泰國香料同調味，就是港味加辣。但食物擺盤和味道，材料質素，其實是可以的。只是要有心理準備不會是九龍城泰國人煮泰國菜的味道。餐廳職員對會員coupon 和積分換嘢都不太熟悉，得一兩個識用個app，次次都要揾攪好耐。總結：有會員性價比覺高，冇就一般。環境舒服，乾淨，有服務。諗唔到食咩可以食下。