影片
更多
2008-11-09
8 瀏覽
** 此 食 肆 的 第 十 八 個 笑 **尋晚(8-11-2008Sat)我同男友又去醫院睇媽媽,爸爸,大哥同大嫂都在,探完諗食飯問題,五個一齊定分三個同兩個分開食呢?男友話跟我家人返荃灣食,啊,咁好啦.我突然記起呢間,於是提議,大嫂都話呢間OK啊,好,就呢間啦.o黎到,等o左一陣就有張8人枱,真係好.我o地叫o左個$428.00 o既良朋知己(4人)餐同$58.00o既別不同果醋骨.由於見好似冇乜菜,加上要等泊好車再返o黎o既大哥,於是叫o左兩個冷盤－蒜茸拍青瓜同白雲鳳爪.前菜先到,蒜茸拍青瓜,啲蒜茸辣o既,爸爸話因豉油係辣椒豉油,而蒜茸吸晒啲豉油,所以辣,青瓜都凍凍o地,微酸,好味.而白雲鳳爪都係咁啦,冇咩問題.大哥到o黎喇,可以起菜,有:1.脆皮燒鵝皇(例)例都唔少喎,不過我覺得唔係出自同一隻,有啲皮脆有啲唔係,但都味道o岩o岩好,唔錯.2.另叫o既別不同果醋骨唔係好多,味道唔識形容,我自己就覺得麻麻,係因為我唔鍾意隻味,唔關酒家事o既.3.漁香海鮮豆腐煲呢個好惹味,有好多爸爸至愛o既鮮魷,重有帶子,蝦仁,豆卜滑滑,蝦仁又大隻又爽,鮮魷又腍,不過呢個菜凍o左就覺得好鹹.4.
尋晚(8-11-2008Sat)我同男友又去醫院睇媽媽,爸爸,大哥同大嫂都在,探完諗食飯問題,五個一齊定分三個同兩個分開食呢?男友話跟我家人返荃灣食,啊,咁好啦.
我突然記起呢間,於是提議,大嫂都話呢間OK啊,好,就呢間啦.
o黎到,等o左一陣就有張8人枱,真係好.
我o地叫o左個$428.00 o既良朋知己(4人)餐同$58.00o既別不同果醋骨.由於見好似冇乜菜,加上要等泊好車再返o黎o既大哥,於是叫o左兩個冷盤－蒜茸拍青瓜同白雲鳳爪.
前菜先到,蒜茸拍青瓜,啲蒜茸辣o既,爸爸話因豉油係辣椒豉油,而蒜茸吸晒啲豉油,所以辣,青瓜都凍凍o地,微酸,好味.
而白雲鳳爪都係咁啦,冇咩問題.
大哥到o黎喇,可以起菜,有:
1.脆皮燒鵝皇(例)
例都唔少喎,不過我覺得唔係出自同一隻,有啲皮脆有啲唔係,但都味道o岩o岩好,唔錯.
2.另叫o既別不同果醋骨
唔係好多,味道唔識形容,我自己就覺得麻麻,係因為我唔鍾意隻味,唔關酒家事o既.
3.漁香海鮮豆腐煲
呢個好惹味,有好多爸爸至愛o既鮮魷,重有帶子,蝦仁,豆卜滑滑,蝦仁又大隻又爽,鮮魷又腍,不過呢個菜凍o左就覺得好鹹.
4. 花膠四寶更(羹)
有邊四寶?有冬菇絲,花膠同少量肉絲,就冇o勒,呢個好熱,味道亦係不過不失,不過都可以分到10碗,唔錯.
5. 鮑片時蔬
是日蔬菜係生菜,鮑片都唔算少,抵食.
6. 清蒸青斑仔
呢條大條過上次o係鴻星食o個條,而同樣蒸到o岩o岩,好滑.
鮮果拼盤
只得一樣生果,就係西瓜.不過伴以酸梅粉,我o地真係未試過加酸梅粉食,於是試吓,我覺得都係加鹽好食啲.不過西瓜才身好甜,可惜係唔夠凍.
最後我同大嫂見甜品都幾平,不過我o地知道一定食唔到5個甜品,於是只叫兩個同樣$10.00o既,一個係菠蘿桂花糕,一個芒果布甸,爸爸話唔使預佢,於是由我o地四個分.
菠蘿桂花糕,係有菠蘿粒o係裡面,桂花好香,不過唔太甜,兩樣o野出奇地夾,個個都讚.
芒果布甸亦都係好好味.
我o地叫o左3個白飯,埋單應該要$700.00.
而題目’冇癮’,係因為個waitress開頭sell我o地鯉魚兩味時,被我大嫂拒絕後,sell龍蝦時又被我爸爸話即係只食骨,令佢好冇癮咁走o左去.
張貼