影片
更多
2022-12-28
236 瀏覽
門口局你排隊人齊先比入，但又一定要門口叫晒嘢食先，因為入到去就知係一個伏字，嘢食嚟到叫佢收走個托盤話老細唔俾，結果我將三個托盤放咗響張枱嘅側邊，食物質素已經垃圾到一個點，入去之前佢話四個人（3大1小）一定要叫四樣嘢食，所以就叫多一個小食，但係個小食魷魚圈係唔熟嘅，叫佢過嚟話俾佢聽個魷魚圈唔熟，佢就話唔熟唔緊要就整熟比我哋，然後我話你取消、佢話唔可以因為我哋四個人，坦白講已經跟足你話一人要叫一樣食物，但係食物唔熟就真係冇辦法，加上嗰三碗湯飯我哋根本見到都食唔落、試問又點敢再叫其他嘢食，嗰位阿姐服務態度真係冇得輸，總括嚟講呢間嘢，因為佢嘅食物質素、服務態度令我不得不幫佢寫個負評，離開佢間店之後仲即刻走咗去「通達食店」食腸粉飲豆漿填補返個肚加降降火
張貼
