CHIMPZ (已結業)

Happy Friday 開心聚會，約下人食飯慶chrismas。今次搵到間銅鑼灣隱世小店道先叫左個炸雞翼配水牛城芝士汁，辣得黎有啲芝士香，真心高質。之後叫左個猩猩迷宮，其實係all day breakfast 黎，一盒9格唔同野食，有紅菜頭蕃薯沙律，牛角包， 牛油果沙律，大蕃茄，大啡菇，菠菜，直布羅陀腸，黑松露炒滑蛋，煙三文魚配蟹籽。一口氣食曬咁多樣野。腸仔，煙三文魚同炒蛋特別好食。主菜叫左香煎北海道帶子配黑松露意大利飯，北海道帶子唔算大粒但味道夠香，而且好滑。意大利飯既松露味好夠，食落好rich，飯粒有少少咬口，做得幾好。甜品叫左Chimpz 法式焦糖燉蛋同烤蘋果脆頂奶油酥配豆腐雪糕，質素都好過預期，燉蛋好滑，奶油酥同雪糕一冷一熱，配搭效果幾好。飲埋杯白桃四季春同玫瑰花果茶，再同朋友傾下計，都幾開心㗎。