越灶

營業中

休息中

一直以來都係芽莊同安南嘅fans，都好少食其他連鎖嘅越南餐廳。難得地要去奧海城，又突然間想食湯麵，所以就試吓BEP。一試發現有啲驚喜，一直都覺得其他連鎖式嘅越南餐廳質素一般，但BEP嘅河內湯河湯頭清甜，感覺唔似味精湯。牛丸有牛油嘅香味，淡淡的黑椒味，好惹味。生牛肉配上是拉差加海鮮醬，甜甜辣辣，好味。食完面，將油炸鬼浸落湯一段時間再食，都唔錯，不過如果浸得唔夠就會偏硬。隨餐附送送嘅飲品就不過不失。雖然如果有得揀，我都係會揀芽莊或者安南，不過BEP都係一個唔錯嘅選擇。