影片
更多
2013-01-20
1421 瀏覽
尋日(19-1-2013 Sat)朝即慶約女友人WK同住屯門o既LT帶埋佢兩個女去BBQ,由於佢兩個女都重細,唔方便去大欖,就唯有揀呢o度.除o左WK要返工遲啲入o黎外,我o地四個2:00pm先到,一切準備好,我就攞o野o黎燒,有:普通正常o既有:1-13.紅腸,墨魚丸,黑椒牛丸,黑椒牛扒,炸魚蛋,獅子狗魚蛋,脆皮腸,腸仔,青燈籠椒,翠玉瓜,白方包,咖哩魷魚,魚肉燒賣.煙肉(唔肥,我o地自己帶o左錫紙包)比較好o既有:14-15.雞腎(爽脆),粟米較差o既有:16叉燒粒,好紅大大件,但本身唔多夠味,而且紅色係會甩色(因為塗完蜜糖後,有紅色o野o係蜜糖o度,我o地食o既o野根本就冇紅色o既辣椒.)差到唔知係咩o野味o既有:17-21.豬扒(大大件,好難叉)雞扒(細件,又係難叉)黃色o既雞翼雞全翼,應該係咖哩,但食落係食唔出咩o野味.又係唔知咩o野素蝦卷類,經過上次’試食’後,我今次冇食,係WK食,佢話只係一團粉.冇食o既有:多春魚,金沙骨同其他辣o既食物.BBQ味精重口渴係在所難免,我飲完我o地飲品都依然口渴,於是買o野飲,以$6.00買o左一罐490ml o既菠蘿汁飲,呢個強呀!係冇菠
除o左WK要返工遲啲入o黎外,我o地四個2:00pm先到,一切準備好,我就攞o野o黎燒,有:
普通正常o既有:
1-13.
紅腸,墨魚丸,黑椒牛丸,黑椒牛扒,炸魚蛋,獅子狗魚蛋,脆皮腸,腸仔,青燈籠椒,翠玉瓜,白方包,咖哩魷魚,魚肉燒賣.
煙肉(唔肥,我o地自己帶o左錫紙包)
比較好o既有:
14-15.
雞腎(爽脆),粟米
較差o既有:
16
叉燒粒,好紅大大件,但本身唔多夠味,而且紅色係會甩色(因為塗完蜜糖後,有紅色o野o係蜜糖o度,我o地食o既o野根本就冇紅色o既辣椒.)
差到唔知係咩o野味o既有:
17-21.
豬扒(大大件,好難叉)
雞扒(細件,又係難叉)
黃色o既雞翼雞全翼,應該係咖哩,但食落係食唔出咩o野味.
又係唔知咩o野素蝦卷類,經過上次’試食’後,我今次冇食,係WK食,佢話只係一團粉.
冇食o既有:
多春魚,金沙骨同其他辣o既食物.
BBQ味精重口渴係在所難免,我飲完我o地飲品都依然口渴,於是買o野飲,以$6.00買o左一罐490ml o既菠蘿汁飲,
呢個強呀!係冇菠蘿吁o既菠蘿汁,超搵笨囉.(呢個冇計入味道分.)而今次o既蜜糖就冇溝水,上次我o地燒時(上次食評: http://www.openrice.com/restaurant/commentdetail.htm?commentid=2239210),o野食都OK蜜糖就唔掂,唔通佢o地兩者間只可改善一樣?
價錢:
成人每位$100.00,小童每位$70.00,開爐費$30.00,都好貴吓.我o地去到時,佢兩個女都要度高,大女高過1.3米,細女高過90厘米少少,職員話兩個都要收錢,但其實佢o地兩都只會食好少o野,我o地覺得唔抵,不過冇出聲,因為係人o地o既規矩,但佢都識做地,話今次唔收細女o既錢,我o地就畀o左$300.00入去.
入場後,我見到蕃薯要另外畀錢買,成$20.00,但唔知幾多個,我冇問,因為已經覺得唔抵.
服務:
上面提及酌情waive細女o既費用外唔錯外,我叫人到我o地揀o既位置開爐,o個個人去到後提醒我o地,個位會晒,咁我o地就轉位.呢兩點唔錯,畀用具,食物同o係小賣部o既亞姐們都OK,可以加分.
不過畀o野食o個個呢,我去攞o野食都覺得冇問題,之後LT去攞白方包時冇帶膠碟自己夾,佢行到去見後面後,就叫個亞姐畀隻碟佢,但亞姐就好唔願同寸佢.
食物:
講真,o衣o家睇返同大欖相比,人o地平啲重要有蒜蓉包(呢o度o既蒜蓉同牛油要自己另外買),司華力腸同龍蝦丸. (大欖食評: http://www.openrice.com/restaurant/commentdetail.htm?commentid=2271981)
衛生:
可能係冬天,啲貓都唔多願郁,係入黑至周圍走搵o野食,今次亦嗅唔到臭味.
去咁多次我都冇用佢o地o既廁所,因為覺得呢啲地方o既廁所唔會好乾淨,驚影響食慾,除非迫不得已,而且尋日o係門口洗手時,都嗅到啲味.不過我尋日由2點幾燒到9點幾至走,真係要去一去,問o左WK同LT,佢o地都話可以接受,咁就去啦,果然係可以接受囉.
其他:
我o地o黎到時好似好多人,因為有兩批人攪活動,一批係小學,一批就唔知,當佢o地o係4-5點走晒後,就唔係咁多,星期六晏晝又天朗氣清o既日子,呢個場都唔爆,可想而知係幾咁’好’.
總結:
其實真係想畀個喊面,不過我o地可以話一個價錢食o左兩餐,而且地方都OK,今次就算啦.
張貼
