影片
更多
2020-11-01
1490 瀏覽
又到左大閘蟹季節，往年都有食大閘蟹習慣，係近兩年因為啲蟹質素問題所以冇食。今年好想試試放題（以往一向食套餐），就去咗評價不俗的灣仔「金兜記」。佢都係套餐形式，有湯、小菜、飯、薑茶，只係蟹可以任食，一人$378，另計茶芥$28，仲有加一。任食分兩個時段，6:15-8:15、8:15-10:15，有次walkin去博下，結果當然冇位，所以即場預約，如果想星期六食，都要等兩個禮拜。強烈建議食第二輪，第一輪食到8點已經開始被人催（好聲好氣的），點都有壓力，第二輪雖然9:30左右已last order，但點都輕鬆啲。仲有，最好8點前到，只要有枱店家都會安排你提早入座，唔係想講可以食耐啲，而係8點後一大批客人到達，塞晒喺𨋢口（地方淺窄），要等安排入座都頗耐頗混亂。講返正題，金兜記選用日本蟹，比較細隻，蟹殼只有女仔手掌三分二咁大，而且只會提供公蟹，鍾意乸的就要三思。基本上一坐低都唔需要睇餐牌同點菜，職員就會主動波陸續上菜。最先上杏汁燉花膠，有淡淡杏汁味，但感覺味精味更重，花膠仲係爽口唔腍的。接住上嘅係每人半隻乳鴿，同每人兩粒黃金蝦球，乳鴿正常發揮，頂下肚ok的，蝦球反而唔錯，蝦球大隻爽身，鹹蛋外層甘
今年好想試試放題（以往一向食套餐），就去咗評價不俗的灣仔「金兜記」。佢都係套餐形式，有湯、小菜、飯、薑茶，只係蟹可以任食，一人$378，另計茶芥$28，仲有加一。任食分兩個時段，6:15-8:15、8:15-10:15，有次walkin去博下，結果當然冇位，所以即場預約，如果想星期六食，都要等兩個禮拜。強烈建議食第二輪，第一輪食到8點已經開始被人催（好聲好氣的），點都有壓力，第二輪雖然9:30左右已last order，但點都輕鬆啲。仲有，最好8點前到，只要有枱店家都會安排你提早入座，唔係想講可以食耐啲，而係8點後一大批客人到達，塞晒喺𨋢口（地方淺窄），要等安排入座都頗耐頗混亂。
講返正題，金兜記選用日本蟹，比較細隻，蟹殼只有女仔手掌三分二咁大，而且只會提供公蟹，鍾意乸的就要三思。
基本上一坐低都唔需要睇餐牌同點菜，職員就會主動波陸續上菜。最先上杏汁燉花膠，有淡淡杏汁味，但感覺味精味更重，花膠仲係爽口唔腍的。接住上嘅係每人半隻乳鴿，同每人兩粒黃金蝦球，乳鴿正常發揮，頂下肚ok的，蝦球反而唔錯，蝦球大隻爽身，鹹蛋外層甘香。
接住主角出場，每次每人有兩隻蟹，之後同侍應講「加蟹」就得。講真咁細隻蟹都唔好期望有好多膏，偶爾都有爆膏嘅，亦有一兩隻係死蟹（蟹膏呈灰黑色）。因為係公的關係，所以質地比較creamy，透明部分就係佢嘅精子，有啲人未必鍾意公好黐口的感覺，我就ok，不過，始終覺得呢度啲膏唔夠甘甜，比較淡味，要用醋增味，唔知係品種問題定係其他原因。
臨近尾聲會上糯米飯同每人一碗薑茶。糯米飯冇咩料頭，飯粒偏硬，分量亦極少，唔好有期望。至於薑茶就非常好飲，夠甜夠辣，飲落喉嚨好舒服，心理上亦覺得驅左寒，可惜冇得添飲。
呢餐其實食得唔算飽，2個鐘內只係不斷拆蟹食蟹，小菜分量亦少，好似冇咩食過落肚，女士還好，男士就要注意下。第一次任食大閘蟹感覺一般，拆到好攰之餘，可能食第一二隻會好興奮，但逐漸marginal utility就開始下降（讀幾年econ淨係記得呢個term，簡單嚟講即係少食多滋味囉），變到冇咩感覺，所以，如果再食大閘蟹，我諗都係食返鴻X算了。
張貼
