Cat 喇沙

營業中

休息中

難得見到元朗有喇沙店，即刻想試吓，點知非常失望。試咗佢嘅軟殼蟹喇沙，同埋豬頸肉喇沙，軟殼蟹味道正常，但係份量偏小，好細隻，豬頸肉肉好似白烚完揼落去咁，都算。個湯底先係最出事，個湯係甜口湯底，湯架稀一啲都唔掛湯，而且食完之後個口非常口乾，一定係落咗勁多味精。另外，仲追加咗兩款小食，分別係金菇肥牛卷同埋雞，金菇肥牛卷味道正常，但係個香酥雞真係好厚粉，啲粉同雞嘅比例應該係二比一，係粉仲多過啲雞兩倍！好硬又乾，配嘅甜酸醬仲要得兩滴，點兩件雞已經冇晒，俾得咁少，不如唔好俾！真係好難食，好疑惑，點解咁難食都可以開餐廳？求其喺超級市場買個喇沙麵煮都好食過佢，真係食到好嬲！無下次！