四季煲仔飯

營業中

休息中

成日見到呢間煲仔飯大排長龍，心諗今日平日去食應該冇人啦掛～果然，平日晚上八九點係有空位架。我地叫左蠟腸滑雞煲仔飯、細蠔餅同埋腐乳通菜。首先上既係細蠔餅，有兩塊，都真係幾細。蠔餅帶脆口感，不過蛋好似冇以前咁香，唔知道係咪仲用鴨蛋整呢？蠔既份量都多，唔腥。煲仔飯上時我地立刻林豉油，再蓋返煲蓋等左十幾分鐘。可惜完全冇飯焦，有D失望。雞幾滑，不過就冇乜雞味。蠟腸偏油。最後食腐乳通菜，腐乳超咸。菜既份量都多。