影片
更多
2015-03-02
1529 瀏覽
呢一日相約2位朋友仔去試下由沖繩吹到黎香港既炸麵包，我地去左新蒲崗mikiki店，去到先發現餐牌寫住有鑽石山Hollywood分店，oh no...早知去Hollywood啦，就腳又方便d嘛！不過新蒲崗店落地既玻璃令光線更直接照入店內，下午茶時間有微暖陽光照下真係幾好 因為係下午茶時間所以店內冇乜人，坐得舒服又冇人趕，食下野傾下計真係幾好架。入到去即刻睇下有咩包包吔啦！其實想食咸味多d，咁就揀左咖哩紅燒豚肉，仲有紅芋(紫蕃薯)。2個包包未黎既時候我滿心期待架，黎到見佢賣相都非常唔錯，脹卜卜好飽滿咁，而且眼見佢都冇乜油，直覺覺得應該唔差架。第一啖咬落去，面層有d微細炸粉粉粒脆脆的，幾得意噃，入面有好香既日式咖哩，有d薯仔，不過點解冇紅燒豚肉呢？明明圖片入面有2件喎，真正圖片與實物不附，好失望。紫芋都好味喎，唔會太甜有淡淡蕃薯香，加埋軟軟的年糕，唔錯唔錯，可以再encore喔！下次試埋紅豆先得 (笑)不得不提呢杯黑糖冰檸檬茶，飲落怪怪的，酸得黎冇檸檬 ＆ 黑糖味，絕對唔似飲緊檸檬茶囉 除左包，我地仲叫左2個弁當，入面有芝麻醬水雲野菜，上面淋左d沙律醬，口感林patpat的，食到打左下冷
呢一日相約2位朋友仔去試下由沖繩吹到黎香港既炸麵包，我地去左新蒲崗mikiki店，去到先發現餐牌寫住有鑽石山Hollywood分店，oh no...早知去Hollywood啦，就腳又方便d嘛！不過新蒲崗店落地既玻璃令光線更直接照入店內，下午茶時間有微暖陽光照下真係幾好
因為係下午茶時間所以店內冇乜人，坐得舒服又冇人趕，食下野傾下計真係幾好架。
入到去即刻睇下有咩包包吔啦！其實想食咸味多d，咁就揀左咖哩紅燒豚肉，仲有紅芋(紫蕃薯)。
2個包包未黎既時候我滿心期待架，黎到見佢賣相都非常唔錯，脹卜卜好飽滿咁，而且眼見佢都冇乜油，直覺覺得應該唔差架。
第一啖咬落去，面層有d微細炸粉粉粒脆脆的，幾得意噃，入面有好香既日式咖哩，有d薯仔，不過點解冇紅燒豚肉呢？明明圖片入面有2件喎，真正圖片與實物不附，好失望。
紫芋都好味喎，唔會太甜有淡淡蕃薯香，加埋軟軟的年糕，唔錯唔錯，可以再encore喔！下次試埋紅豆先得 (笑)
不得不提呢杯黑糖冰檸檬茶，飲落怪怪的，酸得黎冇檸檬 ＆ 黑糖味，絕對唔似飲緊檸檬茶囉
除左包，我地仲叫左2個弁當，入面有芝麻醬水雲野菜，上面淋左d沙律醬，口感林patpat的，食到打左下冷震。另外仲有苦瓜奄列，奄列唔會煎得太熟又乾哂，苦瓜唔苦但味香，多d苦瓜仲正。滋粒手羽先真係把鬼，炸到好鬼乾，好似食緊隔夜炸雞咁，d肉又乾又鞋 加埋個沖繩蕎麥麵真係。。。好糊啊！一pat野咁真係唔好味，放左一陣凍左仲衰，no next time
弁當跟埋個水雲鰹魚麵豉湯，oh...好腥，凍左仲腥，超級唔中意啊！
加錢可以試埋沖繩黑糖芝媽咪(花生豆腐)，我勸大家唔好嘥錢啦，呢個真係好難食，食一啖byebye，古怪的煙un口感，好似食膠咁樣 (泣) 總括黎講，黎呢度我只會吔包，其他野我唔覺得好味，不過希望下次個咖哩紅燒肉包真係有紅燒肉啦！
張貼
