御家迴轉壽司 (已結業)

尋日第一次去哩間鋪食壽司,可能六點幾既關係間鋪冇咩人。仲有半月形o既枱坐添!啲壽司冇其他人講咁話細件、偷工減料,件壽司極大件,講新鮮又唔算係,不過不失啦。三文魚腩壽司、北寄貝壽司、吞拿魚腩壽司、芝士燒三文魚壽司、白身盛都唔錯。個軟殼蟹壽司就比較遜色,唔熱又咸。七味雞軟骨太咸,鹽味太重。玻璃蝦十二蚊一碟但係同普通o既熟蝦冇分別。清酒煮蜆真係得喎,聞落好大O既酒味,但係食落就好清,隻蜆好清甜,冇沙。一鍋有成十隻,$30低食。啲侍應都唔慢亞.不停幫我地收O野、斟水。