影片
更多
2021-12-21
2132 瀏覽
對上一次嚟「i Kitchen」已經差不多接近5年前嘅事，當時，已經有相當多餐廳進駐入觀塘廠廈，隨時間過去，就算喺疫情之下，餐廳嘅數目都好似有增無減，競爭應該都幾大，然而，仲喺屹立不倒，就自不然有其實力。同啲老友食飯，當然揀啲好嘅、有質素架啦。 再訪，感覺內裡嘅環境喺唔同咗少少，雖然，都仲喺以黑白為主色調，加上一啲藍光燈效，但可能基於疫情關係，搬走咗啲大梳化椅，啲枱櫈變得闊落咗，空間感多咗，感覺幾唔錯。雖然整體環境較昏暗，但裝置咗唔少聚焦燈，枱上又有小燭臺嚟營造氣氛，所以，不失情調。 翻一翻餐牌，分門別類為前菜、小食、湯品、意大利麵 / 意大利飯、薄餅、主菜、二人套餐、甜品及飲品，選擇依然多。 朱古力咖啡 $32 先嚟啲凍飲，小弟今晚就想飲飲朱古力咖啡，杯面唧咗好多忌廉，所以，睇落真喺唔錯，而朱古力跟咖啡嘅味道都好平衡，攪埋啲忌廉落去，就更香滑。棉花糖鮮奶朱古力 $32 我以為友人杯朱古力會跟我嘅差唔多，都喺唧層忌廉，但原來喺打咗層奶泡，撈均啲朱古力，佢話非常香滑，而朱古力味卻好濃郁。 抹茶鮮奶 $38 講到賣相靚，就應該以呢一杯抹茶鮮奶靚喇，因為一層翠綠色由上而下慢慢沉澱、變化。友
再訪，感覺內裡嘅環境喺唔同咗少少，雖然，都仲喺以黑白為主色調，加上一啲藍光燈效，但可能基於疫情關係，搬走咗啲大梳化椅，啲枱櫈變得闊落咗，空間感多咗，感覺幾唔錯。
雖然整體環境較昏暗，但裝置咗唔少聚焦燈，枱上又有小燭臺嚟營造氣氛，所以，不失情調。
翻一翻餐牌，分門別類為前菜、小食、湯品、意大利麵 / 意大利飯、薄餅、主菜、二人套餐、甜品及飲品，選擇依然多。
朱古力咖啡 $32 先嚟啲凍飲，小弟今晚就想飲飲朱古力咖啡，杯面唧咗好多忌廉，所以，睇落真喺唔錯，而朱古力跟咖啡嘅味道都好平衡，攪埋啲忌廉落去，就更香滑。
棉花糖鮮奶朱古力 $32 我以為友人杯朱古力會跟我嘅差唔多，都喺唧層忌廉，但原來喺打咗層奶泡，撈均啲朱古力，佢話非常香滑，而朱古力味卻好濃郁。
抹茶鮮奶 $38 講到賣相靚，就應該以呢一杯抹茶鮮奶靚喇，因為一層翠綠色由上而下慢慢沉澱、變化。友人小試一口，已經話唔錯，茶味幽香。至於仲有位友人飲嘅凍檸水，就無特別，唔講啦。
薯條配松露醬 $48 油炸嘢一向喺人見人愛，呢一客炸薯條份量十足，睇相都睇到一大籃，最緊要喺炸得香脆不膩，配上松露沙律醬，個醬松露香味突出，做得非常好食，所以，啲茄汁都被冷落在一旁。
炸薯條配松露醬
$48
18 瀏覽
0 讚好
0 留言
之前嚟嘅時候都試過，喺店家嘅推介。亮點喺佢哋會用新鮮魷魚做，果然，啲魷魚入口喺鮮甜柔軟，加上脆漿唔太厚，又香脆，配上泰式嘅甜酸醬，真喺正。
香脆魷魚圈
$68
16 瀏覽
0 讚好
0 留言
今晚真喺膽固醇萬歲，再嚟多一客炸雞鎚，一客6件，隻隻都炸得甘香可口，最正喺醃得好入味，又帶點辣，咬落雞肉嫩滑多汁，就連伴碟嘅沙律都無迤做，既落咗濃香嘅意大利黑醋調味，又刨幾片巴馬臣芝士做靚個樣！
低溫焗原隻意大利香草烤雞 $168主菜方面，店長話有啲新菜式將會推出，暫時未正式放晌餐牌中，但照樣有供應，試試水溫，睇睇食客反應。首先登場喺烤雞，據介紹貨色嚟自意大利，嘩！原來都幾大隻，先慢煮，再烤焗，烤得一身古銅色，入口外皮非常香脆，皮下脂肪少，肉質比預期嫩滑，尤其脾位，喺雞胸口感就少少嚡，都預咗，但成隻都好入味。
鵝肝醬酥皮羊架 $228威靈頓牛柳就算未食過，都聽過吧，呢一道可以講喺威靈頓牛柳嘅羊架版，酥皮包住羊架去焗，中間真喺如「威靈頓」咁，夾有鵝肝醬同野菌，味道好有層次，再者，羊架唔太羶，又幾惹味，喺覺得有少少焗過籠，好似煎扒得去到7、8乘咁。
西班牙海鮮飯 $268 呢個好抵食，因為印象中，一般西班牙海鮮飯做到4人份嘅，座底三百蚊起跳，依家只賣二百幾，仲要睇到有咁多海鮮料晌面喎，真喺亳無欺場。店員仲特別介紹講話融合亞洲做法，又採用西班牙米，雖然唔喺好覺有亞洲風味，但整體做得唔錯，啲海鮮好正，有虎蝦、扇貝、青口、八爪魚仔，飯粒又好有香氣。
原個日本檸檬雪葩 $68 一餐裡面要盡慶，點可以無甜點，食咗咁多濃味菜式，來一客檸檬雪葩就一流喇。個檸檬嚟自日本，非常大個，加上少少裝飾，賣相清爽，而雪葩入口非常涼快，清新自然嘅檸檬清香一湧而出。
原個日本檸檬雪葩
$68
20 瀏覽
0 讚好
0 留言
試完一款清新嘅，再試另一款就喺濃香嘅，不過，有少少可惜嘅喺心太軟焗過籠，未能產生流心效果，而喺變咗軟心，之但喺，朱古力味卻喺好濃郁，單講味道，確喺唔失禮。
綜合嚟講，環境幾舒服，價位亦唔貴，服務都好貼心，店員都好有禮，最緊要喺朋友都覺得稱心滿意。
張貼
