影片
更多
2019-05-02
55 瀏覽
今晚同呀媽岀街食，近近地就再去和氣食堂。呢間喺屋企樓下，真係好就腳。之前食過幾次，覺得多選擇，平時都會再去。今次七點半到多，都幾多人等位，好彩我地等左5分鐘就入得。間野好爆好多人，有地叫左黑松露蕃茄沙律，好香黑松露味。仲叫左個雞翼薯條，原來個雞翼係凍凍地既食法，本人鐘意熱食多啲，所以呢個唔係我至愛。不過唔緊要，叫左我最愛既刺身，有三款，都新鮮！主食見到有個試新野係鯛魚湯泡飯，個湯係另上既，一淋上去就听到咋咋聲，先飲啖湯，仲以為係好味精，點知好有驚喜，真係有鮮魚味，好鮮甜，值得推介！入面仲有帶子同波菜，真係好好味，食完暖立立。我地仲叫左個麵豉燒茄子，食落唔會好乾，加埋個汁一流！我媽大讚！仲要價錢唔貴！最後叫埋個甜品作結！決餅白玉綠茶雪糕，真係好似日本食既，唔會好甜但好夠綠茶味，好正，加埋白玉，好煙un!成餐飯都係4xx，真係好抵食既日本野！ 0 讚好
0 讚好
張貼
