影片
更多
2022-12-20
58 瀏覽
最近終於放寬防疫限制，但工作關係，暫時尚未可以飛✈️，我就唯有繼續留喺香港消費，捐窿捐罅搵嘢食。星期六晚我同朋友預訂咗位於中環嘅「USHIDOKI」食懷石料理，成日聽人講懷石料理Kaiseki，不過食都係第一次。料理店格局帶畀人舒服嘅感覺，🪵木系嘅裝潢平實得嚟不失氣派。全場只得十二個座位，行「割烹」風格，客人坐喺圍住開放式廚房嘅吧枱座位，可以一邊享受料理，一邊欣賞師傅嘅手勢。呢度嘅師傅係來自日本🇯🇵，所以同客人之間嘅交流就全靠懂得日文嘅店員作翻譯。同時，佢哋亦擔當介紹菜式嘅角色，態度非常專業，且親切有禮。同樣係Fine Dining，但懷石料理比起西式更親民，氣氛輕鬆，唔拘謹。晚餐菜單每位$2,000，包含十一道菜🍽，以鹿兒島和牛「小田牛Odagyu」作為主打，並融入「Tongue to Tail」嘅概念，估計係指全晚會食匀多個牛嘅部位。1️⃣先付Appetizer黃色碟入面裝住嘅糊狀係蓮藕蓉，口感微微黏，幾得意😚，並混入烏魚子同高湯煮製。蓮藕蓉中間仲放咗炙燒帆立貝同和牛柳，兩款食材各自都幾突出，帆立貝鮮嫩，而全晚食嘅第一件牛就已經好出色，質感軟綿，肉味濃郁。2️⃣座付Zatsuki牛脷湯由三種
料理店格局帶畀人舒服嘅感覺，🪵木系嘅裝潢平實得嚟不失氣派。全場只得十二個座位，行「割烹」風格，客人坐喺圍住開放式廚房嘅吧枱座位，可以一邊享受料理，一邊欣賞師傅嘅手勢。
呢度嘅師傅係來自日本🇯🇵，所以同客人之間嘅交流就全靠懂得日文嘅店員作翻譯。同時，佢哋亦擔當介紹菜式嘅角色，態度非常專業，且親切有禮。同樣係Fine Dining，但懷石料理比起西式更親民，氣氛輕鬆，唔拘謹。
晚餐菜單每位$2,000，包含十一道菜🍽，以鹿兒島和牛「小田牛Odagyu」作為主打，並融入「Tongue to Tail」嘅概念，估計係指全晚會食匀多個牛嘅部位。
1️⃣先付Appetizer黃色碟入面裝住嘅糊狀係蓮藕蓉，口感微微黏，幾得意😚，並混入烏魚子同高湯煮製。蓮藕蓉中間仲放咗炙燒帆立貝同和牛柳，兩款食材各自都幾突出，帆立貝鮮嫩，而全晚食嘅第一件牛就已經好出色，質感軟綿，肉味濃郁。
牛脷湯
3 瀏覽
0 讚好
0 留言
2️⃣座付Zatsuki牛脷湯由三種湯頭整成，包括牛湯、雞湯同柴魚高湯。湯品除咗薄切牛脷片之外👅，仲加入北海道雪蟹、千枚大根(即係切到好薄嘅蘿蔔片)、鶯菜同炸芋頭等。湯品唔油膩，清澈得嚟好好飲，並滲出菊花香🌼，飲落好舒服同暖胃。
和牛他他
2 瀏覽
0 讚好
0 留言
和牛他他用上櫻花木作煙燻🌸，以提升香氣同觀賞度，另外亦以多種矜貴食材作點綴，例如金箔同魚籽醬。🐮他他由唔同位置嘅和牛同小黃瓜整成，食落無筋又帶點爽脆。店員建議第一啖先食原味；第二啖再撈埋自家製作嘅鮮海膽醬食；最後就係放上皇室天婦羅紫菜一併食用。
4️⃣溫物Warm Dish和牛壽喜煮算係其中一個高潮，師傳開初會先向我哋展示陣間食嘅牛肉🥩，和牛不愧為和牛，雪花紋理超靚。同時，師傅更會問及我哋啲和牛想要幾成熟。既然啲牛咁靚，就當然唔好浪費，可以食生少少。
店員介紹湯底係由開業煮到而家，大約三至四個月，並會每日更換新鮮嘅洋蔥。🍲壽喜燒汁色水好深，不過味道惹味得來，唔會過重口味。另一邊廂，牛肉上面有兩種醬汁，黑色嘅係松露醬，而綠色就係春菊(皇帝菜)醬。
和牛壽喜煮
1 瀏覽
0 讚好
0 留言
師傅建議我哋將和牛包裹洋蔥一齊食最滋味，洋蔥煮到又淋又甜，而底部就仲有溫泉蛋🍳，係經典配搭呢。最後千祈唔好忘記伴旁嘅一口松露飯🍚，你可以就咁食，或者將佢哋撈埋食，而撈埋嘅方式可將飯放入大碗，抑或將大碗內剩返嘅汁從旁邊嘅咀倒入飯羹，製成TKG(Tamago Kake Gohan)。後者有啲高難度，所以我哋揀咗前者。
5️⃣箸休Hashiyasume接住落嚟就係雪葩🍧，主要作清新口腔之用，畢竟前面都食咗幾道菜嘛。雪葩呈紫紅色，不難推斷佢係紫薯味💜，另再加柚子。佢同甜品唔同，甜度較輕，以清爽為主。伴旁有片炸慈姑，幾特別。裝住雪葩嘅器皿好可愛，我會喺食評尾段再作介紹。
和牛手握壽司
0 瀏覽
0 讚好
0 留言
每人一件和牛手握壽司🍣，製作一絲不苟。壽司所選用嘅牛部位係西冷，油脂比例較高，燒起上嚟份外香口，油香滿溢。上菜前師傅會用燒熱咗嘅備長炭再喺牛肉面燙一燙🔥，仲問我哋Ready未先動手，滿足打卡嘅需要。壽司上面嘅汁係餐廳自家製嘅紅酒蘋果汁，伴旁就仲有醃漬西芹。
7️⃣強肴Shiizakana吉列沙朗牛扒三文治🥪…，吖唔係，係合唔埋嘅三文治先至啱。麵包薄薄烘至微脆，左右兩邊唔同口味，店員建議先食鮮甜嘅海膽，然後再食鹹香嘅魚籽醬🤤。兩樣都同吉列牛扒好夾，吉列皮酥脆唔油膩，肉身炸完仍能保持肉汁。如果間場想清清味蕾，可試吓用紅酒醃漬、微微辣嘅甘露子。
溫煮和牛
1 瀏覽
0 讚好
0 留言
以碗盛嘅溫煮和牛好適合呢個天氣食用，隻手放上碗邊可取暖♨️。湯底係牛湯溝柴魚高湯，再加入蘿蔔蓉同好香嘅紫蘇葉。呢道菜嘅海膽經輕輕煮過，食落果然別有一番風味。和牛用上肉眼蓋嘅部份，由於放湯，所以無其他菜式中嘅牛咁突出，反而同其他食材更融和。
煮物中白色軟綿綿嘅係鱈魚白子(即生殖器)🐟，味道其實唔腥，但始終咁煮就比較原汁原味，未必每個人都鍾意食。我認為配埋日本蕃茄仔或京水菜一齊食，咁就無咁突兀，另發現原來水菜幾有咬口的。
和牛西冷扒拼吉列鵝肝
1 瀏覽
0 讚好
0 留言
呢道菜式嘅擺盤直頭好似藝術品一樣🎨，色香味俱全。主角係和牛西冷扒同吉列鵝肝，西冷有一定厚度，食落口感好正，生熟度控制得宜。吉列鵝肝唔算常見，比一般西餐廳煎鵝肝更「外脆內軟」，但本身已經係一嚿油，再炸埋就有啲啲漏🙈。
菜式嘅其他食材仲包括用雞油燒嘅茄子🍆、艾草同小麥粒整成嘅麵筋粉團、銀杏、炸蕎麥麵、稻米爆谷同蒜片等。圖中上方燈籠形狀嘅係龍珠果，入面放咗粒檸檬味嘅糖漬栗子🍋，建議最後食用。整體而言，成道菜唔使沾汁食，都已經夠味。
🔟食事Shokuji其實食到呢個階段已經飽晒，但主食仍然有兩味。首先有兩件卷物🍙，一口大小，食用方便。紫菜卷包裹醃製牛肉同小黃瓜等，後者口感脆卜卜。左邊嗰件上面嘅灰黑色粉末係風乾咗嘅魚籽醬，製成條狀再刨，散發微微香。另一件就係爆漿三文魚籽，味道好出，極具鹹香。
牛尾湯稻庭烏冬
2 瀏覽
0 讚好
0 留言
⏸水菓子Mizugashi最後終於嚟到甜品，最中餅皮有啲似威化，口感微脆，無變潮。兩層餅皮中間夾住餐廳自家製嘅海鹽雪糕🍨，以及合時令嘅粟子蓉，伴旁仲有件天婦羅炸蕃薯可以配嚟食。另一款甜品就係抹茶布甸🍮，抹茶香同蛋味好匹配。兩款甜品甜度適中，再配埋熱辣辣嘅綠茶，為完美嘅一餐作結。
懷石料理除咗提供優質食物之外，亦非常注重儀式感，以及用餐嘅細節，就例如男士同女士所用嘅餐具有所不用。男士用金筷子同淨色茶杯；而女士就用紅筷子同花花茶杯🥢。第五道菜裝雪葩嘅器皿個蓋亦有分男女圖案，店員專登拎埋出嚟俾我影相。茗茶方面，食甜品前所配嘅就係焙茶🍵，而且店員全程會主動為客人換上高溫熱茶。軼事一則，每道菜都會由師傅遞上，有一下我無為意自己用手接咗，佢哋即刻頗為緊張，店員並立刻幫忙，所以無乜特別事的話，我哋都係乖乖坐低、享受就好了😎。睇嚟整個用餐過程都涉及唔少學問啊。
圖中左邊嗰位係餐廳嘅總廚，而旁邊就係今餐嘅主廚👨🏻🍳；另外仲有兩位助手冇入鏡。雖然我哋並無用日文直接溝通，不過都充份感受到佢哋嘅熱誠，以及對烹調同食物出品有好高要求。我哋坐喺席上猶如欣賞緊一場表演，師傅要喺事前做足準備功夫，先至可以將整個煮食過程，一覽無遺、不慌不忙咁呈現於食客眼前。期間我當然亦有影相記錄、拍低過程📸️，有趣地師傅見狀會特意向我致謝。題外話，主廚嘅英文非常流利，所以都傾到偈。***
總括嚟講，USHIDOKI嘅和牛懷石料理Fine Dining令人再三回味，基本上食物內容同用餐細節，均冇任何可挑剔嘅地方💯。套餐定價係高，不過考慮到所選用嘅食材，以至師傅嘅煮食技巧等各因素，我認為係物有所值。我自己本身對日式料理認識唔算深，所以呢餐除咗係食好東西之外，亦係一種全新體驗🙏🏻。
我仲影咗佢嘅午市餐牌，算係簡短版嘅懷石料理，價錢平啲，但我認為如果食，就直接幫襯晚市吧🌒，完整啲嘛！
張貼
