愛家國際餐飲 (已結業)

好似試過呢間餐廳一兩次，感覺又貴味道好味精同埋好多素肉⋯⋯點解素唔可以正正經經咁俾條菜我呢？今次俾多一次機會自己試真d⋯⋯⋯⋯結果一樣我下次真係唔會再俾自己中伏⋯⋯ 點左個咖哩什菜炒飯，裡面都仲要加勁多素肉，如果係咁，個菜名應該係咖哩雜菜肉絲炒飯⋯⋯一試好咸⋯⋯再試一啖有菠蘿粒，但個菠蘿好似變壞嘅味，我有向職員反映叫佢地試下，我都怕係我自己太敏感或者係個鮮菠蘿質素麻麻地⋯⋯然後只好飲啖例湯清下個口⋯⋯唔⋯⋯隻碗有清潔劑味⋯⋯其實都收$62定$63嫁⋯⋯我唔知對一碟炒飯黎講有幾抵食，定真係唔係幾合理呢？不過職員真係好好嘅，好熱心，一上到去已經俾杯水我，反映後又話煮過碟俾我，不過我唔想浪費食物⋯⋯只係想留意下，睇下有無改善空間。