棋哥燒鵝餐室

營業中

休息中

上次響銅鑼灣分店食過下午茶，覺得都係麻麻地。呢次經過天后分店，唔信邪，再入去試吓，睇吓係咪間間分店都有所不同。睇吓個餐牌， 叉燒瀨粉個賣相都唔錯，所以就叫佢喇。义瀬到，同個餐牌，爭一大決。$43到算數啦，味道都係普普通通叉瀬一碗。至於飲品方便，真係奇怪，話明係下午茶餐，但係凍熱飲品要加$5，特別飲品要加$8，咁即係唔係套餐啦。咁飲乜嘢唔使加錢呀？水囉或者係咪唔凍唔熱嘅飲品，就唔使加錢。特別飲品要加錢唔怪你。上一次幫襯佢哋， 冇乜留意就踩咗呢個雷。咁樣不如大大方方，下午茶餐$48 ，乾手淨腳。