Fauchon Paris Le Café (已結業)

因為有第二個set lunch半價，所以encore。今次坐喺門外的位置，可以望到其他人，其他人都望到你。今次的5成和7成牛扒安排，正常返了。今次都係餐湯沙律二選一，有甘筍忌廉湯和羊奶芝士沙律。。個沙律好出色，羊奶芝士應該加了少小薄荷，所以有啲綠色，而且味道好好。新點食材有西班牙燴飯，漢堡包，豬柳扒。燴飯濃淡度適中，唔會太稀，飯偏硬。漢堡包的牛扒都可以揀幾成熟，包身厚，又鬆軟，配超香脆的粗薯條。豬柳扒，淋身，有豬味，配的汁非常淡，薯蓉滑，味淡。香煎魚，今次賣相好好，味道不過不失。今日送嘅朱古力無哂，改了馬卡龍，綠茶和熱情果兩款。。綠茶+伯爵茶，正常 ; 熱情果嘅酸，入口有啲令人打冷顫，不過飲返啖茶再食，個效果好好多。可惜今天侍應小姐心情唔好，將整個服務感覺拖低了。。。