拉麵達人 (已結業)

一面睇關西攻略一面想起日本的拉麵。一於去“拉麵達人”滿足我的食慾。以前有幫襯過，一間雖不大但有日本風味，好味的拉麵館，希望今次也一樣滿意。櫻花蝦達人濃蝦醬油，碗拉麵來到面前已聞到濃的炸味，碗內一隻大炸蝦，帆立貝，粟米粒，蟹肉條，昆布，紫菜及流心蛋。湯好濃味，惹味，我平時在家煲湯唔落鹽，但我又唔覺好咸，我加了幾滴醋，蝦的香味和醬油香更突出。拉麵有嚼勁，蝦炸得香脆，咸香，帶少許蒜香，麵食到底好多櫻花蝦，細細粒，不似我們食開的泰國蝦米，薄身，口感唔同。我一粒蝦仔都冇留底，湯也給我飲光。出到門口才知好多人排隊，心想好在我早來食。我為這間拉麵館高興，生意越來越好，機會係給有誠意的店鋪。