影片
更多
2018-08-16
12944 瀏覽
唔止黎過一次呢間新南苑，我諗大大話話都有十幾次，身邊有朋友都幾鐘意黎呢度，好多時慶祝生日、人多聚會都會考慮，最主要係鐘意有房，比較私癮啲，靜靜地可以傾下計飲下酒，同埋都收得夠夜。是日同朋友慶生，都係選擇新南苑，訂枱後仲見到有團購，打過去確認可以用先買，計番我諗每人都平到50蚊左右嘅。餐廳位於彌敦道678號，電梯一上，開門便是，成個場都算幾大，位置頗多，外面嘅位會比較密麻啲，人多起上黎都會有少少嘈，所以我地鐘意訂房，雖然每位要加廿蚊，勝在夠舒服。訂左六點，準時入座，人頭定價$268，週五、六日、假期每位加10蚊，連埋訂房每位加$20，虢礫緙嘞醬油前菜加一等，人均$350，入座起三小時，屬於海鮮火鍋半放題。我地嘅房間坐六人，不至於好闊落，每房有電視，主要係睇波。冷氣都可以，唔會好弱，不過食完一陣味就梗架喇，無可避免。房間入面設有對講機，只要掣就有店員應機，可以直接講埋要求，例如加湯、點配料等。效率挺高，唔會話因為放題，就hea時間醬油 $10/位；餐前小食 $20/份 (1-4位一份；5-8位兩份…)海鮮火鍋半放題套餐 包括：招牌麻辣雞煲 (3位以上先可以享用，無限任食，可選大辣/小辣)
餐廳位於彌敦道678號，電梯一上，開門便是，成個場都算幾大，位置頗多，外面嘅位會比較密麻啲，人多起上黎都會有少少嘈，所以我地鐘意訂房，雖然每位要加廿蚊，勝在夠舒服。訂左六點，準時入座，人頭定價$268，週五、六日、假期每位加10蚊，連埋訂房每位加$20，虢礫緙嘞醬油前菜加一等，人均$350，入座起三小時，屬於海鮮火鍋半放題。
我地嘅房間坐六人，不至於好闊落，每房有電視，主要係睇波。冷氣都可以，唔會好弱，不過食完一陣味就梗架喇，無可避免。房間入面設有對講機，只要掣就有店員應機，可以直接講埋要求，例如加湯、點配料等。效率挺高，唔會話因為放題，就hea時間
醬油 $10/位；餐前小食 $20/份 (1-4位一份；5-8位兩份…)
海鮮火鍋半放題套餐
包括：招牌麻辣雞煲 (3位以上先可以享用，無限任食，可選大辣/小辣)、湯底選一款、海鮮拼盤 (6-8款)、手切牛頸脊 (非任食、1-4位一碟)、火鍋配料任食、甜品、飲品。同類型嘅火鍋店，收費都差唔多。老實講個人認為稍貴，食完個雞煲，食埋海鮮、牛、飲幾罐汽水都飽左大半，哈。但如果同行人都係大食仔嘅話，款式都算多。先食雞煲後火鍋，點小辣，辣度比較弱，但確實幾入味同惹味。雞肉比較大件，肉多，唔會得棚骨，皮位就肥啲，但我個人喜好都係唔理，照食，味道唔錯，當然要比起主打雞煲嘅餐廳黎計，都仲有距離，但任食質素收貨雞煲控點忍到，就住就住叫左四煲，然後轉湯底打邊爐。
湯底有六款免費，包括蟹鍋花甲湯、豬骨濃湯、野生水魚湯、冬瓜湯、壽喜鍋、四式火鍋湯，對湯底唔好太大期望，食過頭四款其實都係一般般，同平時散點火鍋店可以飲得嘅湯底質素就真係冇得比。蟹鍋花甲湯底裡面有隻蟹、少量蜆仔、粟米、蕃茄等，唔係太入味，蟹肉較削。
海鮮拼盤 (6-8款)離不開蟶子、元貝、鮑魚、象拔蚌、馬刀貝、貴妃蚌、大蜆、大蝦、魚等視乎當日供應。人頭份量，下圖為六人份，上枱都幾吸引，擺盤整齊，幾有霸氣。海鮮雖然都唔係生勾勾，不過都唔會話係死左好耐嗰種。蝦肉、鮑魚爽彈，元貝、蚌都新鮮
手切牛頸脊 (非任食)呢度嘅牛肉就唔係任食嘅，追加要38蚊碟。牛肉食落腍身，唔會好多脂肪，質素可以，我地一行六人，本身就有兩碟，其實都夠嘅，反正仲有其他配料飲食。
其他火鍋配料同一般任食火鍋差不多，例如豚肉、脆鯇、海蝦、丸、餃、麵食、炸魚皮等，蔬菜自取，中規中矩，正常水準。
甜品自家製牛乳布甸，幾好食嘅，有淡淡牛奶味，質地唔會太實。
飲品有涼茶、汽水、果汁等自取任飲。
刺身刺身都係人頭份量，店員話係贈送，我地就未有留意係咩原因。裡面有希靈魚、北寄貝、蝦、螺片，無乜特別。
平日再加上唔係訂房價錢就抵食啲啦，性價比都高，始終任食黎計，都有質素；咁我地今次係假日再加上房費，就會貴少少嘅，幸好扣減團購券優惠，使用上亦好清晰。房間企理，店員服務唔錯，相信我地總有機會再訪。
張貼
