影片
更多
2015-03-01
1863 瀏覽
上次聖誕期間嚟過一次Lab Made Café，知道佢哋唔單淨賣分子雪糕，更有飲品及甜點，可以嚟迤吓食吓下午茶。不過，嗰次都喺試啲新款雪糕同飲吓嘢，未有品嚐過佢嘅蛋糕，今次則過開嚟，就同老婆一齊晌度食過下午茶。星期日嘅下午果然好旺場，周圍都坐滿人，都要等多一陣先等到位。其實，基本上荃灣城市中心本身都好高人流，見佢近期都陸續翻新，相信遲啲仲旺。是日有4款蛋糕供應，包括：烤白朱古力海鹽蛋糕、香蕉吉士蛋糕、紅莓芝士蛋糕及分子火山蛋糕，前3者屬於「正常」嘅蛋糕，都喺定價$38，而最後者則加入「分子」元素，有得玩有得食，定價$88。我同老婆較想試試佢啲正常蛋糕，睇睇佢哋做餅嘅功夫，所以，只揀咗香蕉吉士蛋糕同紅莓芝士蛋糕作為我哋嘅下午茶甜點。香蕉吉士蛋糕 $38雖然小小Café，賣餅都一啲唔馬虎，除咗以純黑石板作為餐碟外，在蛋糕旁加少少焗香咗嘅果仁碎做裝飾，感覺無咁乏味單調。賣相唔點花巧，但味道、質感著實不俗，入口香蕉味好出，皆因有一層香蕉蓉果肉，再下一層喺吉士慕絲及底層嘅朱古力脆餅底，前者慕絲軟滑細膩，後者濃香脆口，不過，唯一挑剔少少喺整體稍甜，以小弟個口味，減多少少甜度就恰到好處嘞！紅莓芝士蛋
星期日嘅下午果然好旺場，周圍都坐滿人，都要等多一陣先等到位。其實，基本上荃灣城市中心本身都好高人流，見佢近期都陸續翻新，相信遲啲仲旺。
是日有4款蛋糕供應，包括：烤白朱古力海鹽蛋糕、香蕉吉士蛋糕、紅莓芝士蛋糕及分子火山蛋糕，前3者屬於「正常」嘅蛋糕，都喺定價$38，而最後者則加入「分子」元素，有得玩有得食，定價$88。我同老婆較想試試佢啲正常蛋糕，睇睇佢哋做餅嘅功夫，所以，只揀咗香蕉吉士蛋糕同紅莓芝士蛋糕作為我哋嘅下午茶甜點。
香蕉吉士蛋糕 $38雖然小小Café，賣餅都一啲唔馬虎，除咗以純黑石板作為餐碟外，在蛋糕旁加少少焗香咗嘅果仁碎做裝飾，感覺無咁乏味單調。賣相唔點花巧，但味道、質感著實不俗，入口香蕉味好出，皆因有一層香蕉蓉果肉，再下一層喺吉士慕絲及底層嘅朱古力脆餅底，前者慕絲軟滑細膩，後者濃香脆口，不過，唯一挑剔少少喺整體稍甜，以小弟個口味，減多少少甜度就恰到好處嘞！
香蕉吉士蛋糕
$38
67 瀏覽
1 讚好
0 留言
紅莓芝士蛋糕 $38個芝士蛋糕賣相比較突出，因為淡黃嘅芝士蛋糕之上，紅莓嘅鮮經極之搶眼，如果啲糖霜灑得平均啲就仲好睇。芝士蛋糕喺以美國芝士餅為基礎，所以，挺身而濃郁，「芝」味無窮，而餅面嘅紅莓新鮮帶微酸，可平衡一下芝士嘅濃味，至於底層嘅高纖脆麥餅底，口感比較硬，但又幾得意。
紅莓芝士蛋糕
$38
67 瀏覽
1 讚好
0 留言
Valrhona熱朱古力 $36新出嘅自家制熱朱古力，當然要試吓啦，有原味或少甜嘅選擇，我哋就揀個原味嚟試試。有接觸開朱古力嘅人都知Valrhona喺出名嘅法國品牌，所以，佢個熱朱古力以此打正旗號，真喺幾期待一試。呷一口，朱古力味非常醇香，口感順滑，甜入心頭，不過，就唔喺屬於漿口質濃嘅一類，所以，喜歡飲「杰」身一類嘅朱古力就未必喺你所想嘅嘢。
Valrhona熱朱古力
$36
60 瀏覽
1 讚好
0 留言
腐竹雞蛋糖水 $44雪糕色澤淡淡黃黃，表面唔覺有咩太多特別，只喺加咗少少薏米做裝飾，但果然好有預期嘅驚喜感，一入口好一朕腐竹雞蛋味，味道傳神，而雪糕內仲有唔少薏米粒，又唔太甜，感覺過癮。
腐竹雞蛋糖水分子雪糕
$44
47 瀏覽
1 讚好
0 留言
老婆話今個下午茶好滿足，有蛋糕食，又有熱朱古力飲，佢鍾意飲朱古力多過咖啡奶茶，之後仲同場加映後加分子雪糕，當然滿足啦！
張貼
