影片
更多
2019-09-19
240 瀏覽
小鮮肉V仔生日，我們當然要跟他好好慶祝；V仔選址城寨風味，在九龍城廣場。咦，不是在九龍城南角道嗎？原來早幾個月前，因為南角道舊樓重建，所以就搬咗去九龍城廣場。店面裝修得依舊雅致，地方寬敞，不會坐得很逼挾。最喜歡這裏的餐牌，全部圖文並茂，絕對可以看圖點菜。看看餐牌，價錢有少許調整，希望依舊有水準吧。來到城寨風味當然少不了其特色菜，點了即燒脆皮香豬，再叫了個蜜餞欖角骨，啫啫芥蘭煲，再加個豬仔腳，唔，差不多了。侍應放下前菜，通常酒樓前菜一般都係花生呀，酸菜呀之類；但這裏提供的竟是酸木瓜，嘩，童年回憶返曬嚟喇！酸木瓜食落口酸酸味味又爽口，絕對令你胃口大增。豬仔腳先上，煮得剛剛好，表皮腍滑，肉不會太硬，亦很入味。底下墊底的豆腐也軟滑非常，眨眼間已全碟吃清光。跟著到的是乳豬，叫了個例牌，有八件。真是皮脆肉嫩，表皮鬆化，底下只有薄薄的一層脂肪，好似食緊蝦片咁。感覺上坊間沒有一間酒樓的乳豬比得上城寨風味。雖然夏天不是食芥蘭的季節，但這個芥蘭煲真係冇得頂。芥蘭條條都咁爽口，一D渣都無。再加上熱辣辣，D醬又鹹香惹味；雖然話一個菜煲賣$108係有DD貴，但我哋全部都覺得值回票價。還有蜜餞欖角骨，果然跟圖片一
最喜歡這裏的餐牌，全部圖文並茂，絕對可以看圖點菜。看看餐牌，價錢有少許調整，希望依舊有水準吧。來到城寨風味當然少不了其特色菜，點了即燒脆皮香豬，再叫了個蜜餞欖角骨，啫啫芥蘭煲，再加個豬仔腳，唔，差不多了。
侍應放下前菜，通常酒樓前菜一般都係花生呀，酸菜呀之類；但這裏提供的竟是酸木瓜，嘩，童年回憶返曬嚟喇！酸木瓜食落口酸酸味味又爽口，絕對令你胃口大增。
豬仔腳先上，煮得剛剛好，表皮腍滑，肉不會太硬，亦很入味。底下墊底的豆腐也軟滑非常，眨眼間已全碟吃清光。
跟著到的是乳豬，叫了個例牌，有八件。真是皮脆肉嫩，表皮鬆化，底下只有薄薄的一層脂肪，好似食緊蝦片咁。感覺上坊間沒有一間酒樓的乳豬比得上城寨風味。
雖然夏天不是食芥蘭的季節，但這個芥蘭煲真係冇得頂。芥蘭條條都咁爽口，一D渣都無。再加上熱辣辣，D醬又鹹香惹味；雖然話一個菜煲賣$108係有DD貴，但我哋全部都覺得值回票價。
還有蜜餞欖角骨，果然跟圖片一模一樣；用一個米粉做成的網裝住，份量頗多。排骨甜甜的帶有陣陣欖角香，其實最適合用來送酒。可惜V仔話要戒酒，咁今晚就用來送白飯。
城寨風味果然沒有令我失望，搬咗鋪之後美味依然。雖然價錢提升咗少少，但我哋一定會再返過嚟食。坊間酒樓雖然價錢平ＤＤ，但未必食到咁高質素嘅食物，所以話城寨風味真金不怕洪爐火，食過一次一定會再回頭。
張貼
