渝酸辣粉

營業中

休息中

渝係另一半嘅銅鑼灣至愛，上次夜晚嚟，排左好耐隊，今次星期六晏晝，好快有得入去食上次散嗌些牙啲小菜，因為我兩嗜辣嘅程度係少少辣同多多辣嘅分別，雖然叫左小辣我就辣到「時Lee Su Lu」佢就食得唔夠爽癮。今次晏仔就叫套餐，一人一份小食併盤加碗麵✌🏻先講口水雞，個麻辣汁好惹味，我嗰碟雞肉多數係脾✌🏻份量亦好夠。另外三個涼拌，牛柏葉、雲耳同青瓜，超好送飯的，食食下熱嘅麵食幾啖涼拌小菜中和下，除左辣辣地仲有麻油味份量都多，食晒三樣已經飽左一截。至於我碗重慶酸辣粉，麵質煙靭，唔會太辣。另一半最愛燃燒麵(一聽到呢個名會聯想到食左呢碗麵第二日會火燒⋯)，佢話有時會辣到胃痛(咁仲食?)。最後，食完辣嘢食埋佢個桂花冰粉降下溫，爽😊講埋上次食嗰碟夫妻肺片呢碟好似叫小辣都辣到阿妻條脷好刺痛，阿夫好小心咁揀左同挑走啲辣椒嘅牛肚，其他肉係有啲木毒，味道方面雖然對我嚟講好辣但係幾好味嘅。