影片
更多
2019-03-08
246 瀏覽
對上一次喺沙田食過佢嘅deli 版，咁啱老婆加完班就打算喺附近食完就返屋企，遇上了它（Bricklane)⬆️蟹肉餅蕃茄青菜沙律：足料嘅蟹肉餅，顯示左間餐廳嘅誠意，蟹嘅鮮味同沙律嘅汁醬配合得宜。⬆️西蘭花忌廉湯：忌廉湯不嬲都唔講賣相，最重要係個味道同埋質感，一口飲落去，感受到成棵西蘭花口裏面徘徊。⬆️美國有骨肉眼配燒薯：一上碟，就聞到厚厚嘅炭燒香味，呢個價錢食到咁大塊牛扒真係用一個底字你形容，同埋佢配有獨特嘅芥茉醬和蒜泥，呢個配搭唔係間間餐廳食得做，值得加分。⬆️炸雞翼：炸粉嘅比例控制得非常好，外皮好趣雞翼入味，肥美鮮嫩，好少可以食到咁大件夾抵食嘅雞翼，唔好忘記佢係一間高級西餐廳，淨係小食雞翼都覺得佢處事認真！⬆️香煎三文魚帶子配薯蓉伴西洋菜忌廉汁：皮脆肉嫩，一啲都唔「鞋」，店員話用魚生級嘅三文魚，好新鮮。個西洋菜汁好香，配三文魚食唔會膩。⬆️紅絲絨蛋糕：去西餐廳點都要食返個甜品啦，呢個紅絲絨蛋糕，雖然有cream cheese，但唔會好肥膩，紅妹嘅酸甜味平衡左成件事。Peach Ocean: 起初望落唔知點飲，原來佢系有個袋袋住嘅，杯入面有啲沙，好精緻喔！⬆️Latte: 呢間餐廳主打環保，所以佢
⬆️蟹肉餅蕃茄青菜沙律：足料嘅蟹肉餅，顯示左間餐廳嘅誠意，蟹嘅鮮味同沙律嘅汁醬配合得宜。
⬆️西蘭花忌廉湯：忌廉湯不嬲都唔講賣相，最重要係個味道同埋質感，一口飲落去，感受到成棵西蘭花口裏面徘徊。
⬆️美國有骨肉眼配燒薯：一上碟，就聞到厚厚嘅炭燒香味，呢個價錢食到咁大塊牛扒真係用一個底字你形容，同埋佢配有獨特嘅芥茉醬和蒜泥，呢個配搭唔係間間餐廳食得做，值得加分。
⬆️炸雞翼：炸粉嘅比例控制得非常好，外皮好趣雞翼入味，肥美鮮嫩，好少可以食到咁大件夾抵食嘅雞翼，唔好忘記佢係一間高級西餐廳，淨係小食雞翼都覺得佢處事認真！
⬆️香煎三文魚帶子配薯蓉伴西洋菜忌廉汁：皮脆肉嫩，一啲都唔「鞋」，店員話用魚生級嘅三文魚，好新鮮。個西洋菜汁好香，配三文魚食唔會膩。
⬆️紅絲絨蛋糕：去西餐廳點都要食返個甜品啦，呢個紅絲絨蛋糕，雖然有cream cheese，但唔會好肥膩，紅妹嘅酸甜味平衡左成件事。
Peach Ocean: 起初望落唔知點飲，原來佢系有個袋袋住嘅，杯入面有啲沙，好精緻喔！
⬆️Latte: 呢間餐廳主打環保，所以佢連飲筒同搞搞棍，都係用環保物料做，當然杯咖啡都唔差啦！
總括而言，店員服務非常細心有禮，食物質素得高，環境坐得舒服，會再去的！
張貼
