加藤屋 (H.A.N.D.S) (已結業)

上次無無聊聊走左去屯門安定呢邊嘅商場試左呢間牛肉飯，佢埋單時送左2張4蚊coupon俾我等我次食野用，就等我今日試下其他飯用埋佢啦。今日來過經典一d嘅組合，叫一個泡菜牛肉飯同埋一個雞飯試試先。泡菜牛肉飯望落無咩特別，同吉野家嘅牛飯個樣差唔多。最令我印象深刻嘅係佢嘅泡菜，本身諗住佢嘅泡菜味道應該係韓式泡菜，但我硬係覺得佢係川菜口味嘅泡菜，加埋日式味道嘅牛肉我就覺得麻麻地。如果想食辣都係叫佢嘅麻辣牛肉飯會好d，我諗唔夾係因為泡菜同牛肉喺個飯上面係分開放落去，佢地唔係放埋一齊煮唔係一味餸。至於個雞飯，見到個賣相已經覺得有少少伏，食左一啖雞真係覺得中左伏喇。雞肉好乾身，同眼見嘅係一樣，入面乾爭爭，個飯又無咩汁，雞嘅份量亦都唔多。大家下庚嚟呢度食飯，我諗都係叫番牛肉飯會穩陣d，始終都係佢地嘅招牌菜嘛！