影片
更多
2017-09-18
106 瀏覽
身為正宗既抹茶控, 京林屋算係幫襯得最多次既抹茶甜品鋪, 成日經過銅鑼灣都會想去食, 最近吃左幾間抹茶鋪都未令我過足抺茶癮, 今次住太古既朋話我知原來太古都開左間新既京林屋!!!! 所以就同佢夾個日子一齊食抹茶去~~~星期日晚黎都差唔多坐滿, 好彩唔洗等位, 位置雖然唔係係太古商場入面, 但都幾方便, 係D出口出過馬路行一兩分鐘就見到~~~ 裝潢格局其實同希慎分店差唔多, 一貫既簡約和風比人舒適進餐既感覺, 食品餐點都一樣, 所以唔擔心食既野會唔同。 京式鰻魚飯 $98上次係希慎食過佢既咸食料理幾驚喜, 所以今次決定再試下其他款式, 朋友同我都係愛鰻之人, 所以一致揀左鰻魚飯同平時鰻魚飯唔同, 呢到既鰻魚係切左粒而唔係條狀, 所以我地兩個人share就會比較方便。鰻魚魚肉質感鬆化, 每粒都連着魚皮, 皮下油脂豐腴, 所以食落好滑口, 我個人偏好較焦香既鰻魚, 所以呢款岩朋友多D, 另外滿佈飯面既蛋絲甜甜地, 用作拌飯一流, 眨下眼蛋絲就被我朋友清光左XD(平時明明係我食得最快架!!!!) 至於飯用左焙茶烹煮, 焙茶味唔算突出, 多啲鰻魚汁就好… 不過飯係日本米所以都糯韌。配埋麵豉湯,
星期日晚黎都差唔多坐滿, 好彩唔洗等位, 位置雖然唔係係太古商場入面, 但都幾方便, 係D出口出過馬路行一兩分鐘就見到~~~ 裝潢格局其實同希慎分店差唔多, 一貫既簡約和風比人舒適進餐既感覺, 食品餐點都一樣, 所以唔擔心食既野會唔同。
京式鰻魚飯 $98
上次係希慎食過佢既咸食料理幾驚喜, 所以今次決定再試下其他款式, 朋友同我都係愛鰻之人, 所以一致揀左鰻魚飯
同平時鰻魚飯唔同, 呢到既鰻魚係切左粒而唔係條狀, 所以我地兩個人share就會比較方便。鰻魚魚肉質感鬆化, 每粒都連着魚皮, 皮下油脂豐腴, 所以食落好滑口, 我個人偏好較焦香既鰻魚, 所以呢款岩朋友多D, 另外滿佈飯面既蛋絲甜甜地, 用作拌飯一流, 眨下眼蛋絲就被我朋友清光左XD(平時明明係我食得最快架!!!!) 至於飯用左焙茶烹煮, 焙茶味唔算突出, 多啲鰻魚汁就好… 不過飯係日本米所以都糯韌。配埋麵豉湯, 不過小吃蘿蔔就賣哂~
抹茶紅豆白玉甜湯 $68
每次黎都係點芭菲泡冰果D,好少叫熱既甜品, 所以今次就試下個熱甜湯。有兩款, 一款係金栗白玉紅豆, 另一款係年糕, 我想食栗子所以揀左前者。
Size唔算好大, 一個湯碗份量, 但食落原來都幾多料, 栗子得一粒梗係被我秒食左, 幾粉甜, 白玉有四粒, 同平時既一樣軟韌
估唔到原來紅豆茸係勁大舊, 所以成個湯既甜主要係來自佢, 建議大家食紅豆前先分品嚐個抹茶湯先, 因為就咁飲就飲得出濃郁既抹茶味!!最欣賞係個抹茶湯!反而加左紅豆的確好甜!
林屋焙茶芭菲 $88
又到芭菲時間, 其實食過咁多間芭菲, 間間都有唔同配料, 京林屋既配料係最傳統既白玉、啫哩、紅豆同忌廉, 反而出面會加好多其他配例如米米、脆片等,口感可能豐富D, 不過呢到既抹茶味就夠香濃, 由頭食到落尾都令味蕾感受到抹茶既威力, 而且奶感令雪糕更添creamy呢! 所以睇您想抹茶味濃定重視配料~
焙茶芝士蛋糕 $98
有得揀蛋捲或者芝士蛋糕, 感覺芝士蛋糕飽肚啲XD
焙茶雪糕甘醇清香, 繼續一貫高質雪糕既特式, 配埋白玉同紅豆, 已經令人秒清左, 反而芝士蛋糕既焙茶味就無咁突出.....第一啖食落主要feel到芝士既滑杰口感, 過幾秒先慢慢慘出茶味, size較迷你, 餅底幾薄身。
焙茶牛奶忌廉 $48
估唔到呢個飲品有驚喜喎!!! 焙茶本身唔係濃味既茶, 但加左落牛奶到無被掩蓋左, 焙茶同牛奶比例各半, 柔柔地茶香配埋左奶既絲滑, 面既忌廉輕盈不膩, 而且上餐時微微温熱飲落好舒服!!!!
焙茶朝薰
有卡紙教點沖, 沖左3round都仲有味~ 食咁多甜品飲返茶都幾好。
張貼
