船皇 (厚福街) (已結業)

今日星期五同朋友喺尖沙咀諗住上堂前食少少嘢 比我地見到呢間之前係銅鑼灣食過嘅泰國餐廳而家做緊優惠 點船皇湯麵可以加$1有和牛配料當然要再試下 黎呢度主要係食船麵 餐牌寫尖沙咀店有限定串燒 所以我地都點左牛舌貼魷魚鬚支持下 有得揀3種醬汁 質素唔錯講返主角船麵先啦 佢有唔同嘅麵底可以揀我就要咗米粉朋友就要咗河粉 辣度都可以自己揀 呢個湯船皇麵其實有好多材料 牛丸牛肉雞翼雞絲豬肉丸 (當日冇咗豬潤本身都係喺材料之一) 豬肉丸係泰國食到個種 個湯底都同泰國食到嗰啲好相似好正宗 我覺得比起喺銅鑼灣嗰間仲要好食 特別鐘意有個脆豬皮 我因為係食米粉啲湯都吸得好快呢度員工都好好人畀多咗少少湯我 每啖米粉都有濃濃嘅湯底配搭住 最後結尾梗係要飲杯泰式凍奶茶作為一個完滿嘅句號啦