大喜屋日本料理 (已結業)

好似記得嚟大喜屋食野同打食評都兩個月之前既事睇反openrise呢到先知!之前去左尖咀個間,而家朋友又提議食呢間,原因好簡單-.-覺得中環食過幾次都好食過其他兩間!咁係過海個邊番工,放工去食談何容易我地d新界人士就要專登過去啦!為左食好野,就冇所謂啦!食晏左食8:45,就咁望入去都ok full,不過冇尖咀爆得誇張!入到去坐落個感覺覺得比尖咀舒服左,枱與枱距離差唔幾食物方面應該同另外兩間一樣,但朋友提醒左我轉左新野咁舊底食過好味咪無得再食!一如以往,都係食魚生刺身壽司個d,唔逐樣介紹啦!我食完覺得魚生都幾新鮮,三文一樣肥美,甜蝦size差唔多,壽司咪又係咁,冇話去到'特別'過尖咀程度!燒物窩物都同樣唔錯,青口同豬頸肉都出色,豬頸肉係新野,都冇一片大一片細,碎嬸嬸而燒菠蘿一樣甜有汁,不過可能咁岩分到近邊位,就冇咁好汁炸物仍然保持到熱辣熱咁埋嚟!芝士年糕一樣咁正!另外多左樣叫炸金專新野,口感軟,幾有趣,可以試下!服務方面,都係咁上下,冇咩話漏單情況,呢間可能冇full得咁勁,員工見到食物同人數數量差異都會出聲,同客講番!都會主動行下睇下邊個要換碟同收下野!到最後指定動作,出盡個小小位食雪糕