影片
更多
2018-06-13
31 瀏覽
上次食完水蜜桃冰室之後，佢已經入咗我嘅encore list，經濟實惠，選擇又多，所以又帶朋友嚟食。今日係平日，唔會好似假日咁迫喺門口等位，一入嚟就有位喇。兩個人被安排坐卡位，good！黑牛同雪葩都係我嘅鐵膽選擇，哈，鍾意就係鍾意，無解！餐湯係紅湯白湯任揀，南瓜忌廉湯加蒜蓉包。飲品加錢轉左黑牛(+$9)同雪糕咖啡特飲($11)，朋友話雪糕咖啡特飲正，飲得出係即磨咖啡，加左雪糕都唔會太甜。原來加錢連啤酒都可以叫喎：鐵板燒三文魚拼虎蝦 $118兩隻虎蝦算大隻，開邊，蝦肉夠彈牙。三文魚柳亦唔錯，下面墊左啲洋蔥更香口，魚皮都煎到脆皮。唯一係個醬汁有啲似豉油汁，冇乜特別。美國特級Prime極黑牛小排180g$238用石板燒熱，下面再加小火加熱保溫。牛肉一放上去就「咋咋聲」，牛油香味咇晒出嚟，油脂好豐富，又冇根冇渣，好掂。望落雖然唔大份，但實際係有幾層，份量都好足夠。仲有兩隻生蠔，就咁攞啲蠔肉去燒就得喇，唔駛連殼。最特色係有個咸蛋黃炸魚皮，店員推介係捲埋啲牛肉食，但我覺得齋食仲好食喎！日本雪葩當然要食，出面食係貴好多架！太搶手，今日得返四款口味，最後揀左芒果雪葩(+$32)，都幾有新鮮芒果嘅香甜味
今日係平日，唔會好似假日咁迫喺門口等位，一入嚟就有位喇。兩個人被安排坐卡位，good！黑牛同雪葩都係我嘅鐵膽選擇，哈，鍾意就係鍾意，無解！
餐湯係紅湯白湯任揀，南瓜忌廉湯加蒜蓉包。
飲品加錢轉左黑牛(+$9)同雪糕咖啡特飲($11)，朋友話雪糕咖啡特飲正，飲得出係即磨咖啡，加左雪糕都唔會太甜。
原來加錢連啤酒都可以叫喎：
鐵板燒三文魚拼虎蝦 $118
兩隻虎蝦算大隻，開邊，蝦肉夠彈牙。三文魚柳亦唔錯，下面墊左啲洋蔥更香口，魚皮都煎到脆皮。唯一係個醬汁有啲似豉油汁，冇乜特別。
美國特級Prime極黑牛小排180g$238用石板燒熱，下面再加小火加熱保溫。牛肉一放上去就「咋咋聲」，牛油香味咇晒出嚟，油脂好豐富，又冇根冇渣，好掂。望落雖然唔大份，但實際係有幾層，份量都好足夠。仲有兩隻生蠔，就咁攞啲蠔肉去燒就得喇，唔駛連殼。
最特色係有個咸蛋黃炸魚皮，店員推介係捲埋啲牛肉食，但我覺得齋食仲好食喎！
日本雪葩當然要食，出面食係貴好多架！太搶手，今日得返四款口味，最後揀左芒果雪葩(+$32)，都幾有新鮮芒果嘅香甜味，yummy。
蕃薯雪葩(+$36)第一次試，估唔到連蕃薯都做到原個上，細細個幾cute。相對生果雪葩得個果皮，蕃薯入面仲有兩三成蕃薯肉可以食，好粉又唔太甜，而個雪葩味道又好食，值得一試。
張貼
