Jaspas Restaurant (已結業)

西貢有唔少西餐廳，其實都好類似，呢晚唔想諗，就試呢間連鎖式嘅，有啲品質保證。先每人咗杯Daiquiri，但一杯係cocktail，另一杯係mocktail，真係似用咗新鮮生果整，又唔會好甜，讚！每間西餐我都好留意佢嘅餐包，呢度都算有啲水準，係軟軟嘅麥包，仲唔係間間都做到嘅欖油同牛油都有提供。問咗今日嘅餐湯係蘑菇湯，啱哂我，就叫咗一碗兩個人share，隨餐湯另再有餐包，呢個就係脆脆嘅法包條，好啱浸入湯食。至於個湯唔可以話好特別，但似係自家製嘅，唔錯。叫個咗小食share，但就有啲失望，過往食過嘅爆谷蝦，係細細隻蝦仁，炸成好香口嘅一口小食，但呢度嘅竟然係大大隻蝦，同埋食落似一大塊漿粉包住隻蝦，可能吉列蝦會更啱口味。自己鐘意食沙律，就揀咗個沙律當主菜，份量都唔少，特別在佢係加入烤過嘅蔬菜，仲有芝士同杏仁，啱哂我口味。朋友就揀咗個扒，諗住呢度始終唔係扒房，唔會期望好好味，但最後又比預期好喎，至少唔會好似其他餐廳咁有大部份都係食唔到嘅筋，而生熟程度又同要求嘅好近，唔會太熟，配埋薯菜，以咁嘅價錢嚟講算係幾好。