牧羊少年咖啡館 (德福廣場1期)

營業中

休息中

上次食完牧羊少年咖啡館，發覺口味都幾適合自己，而且有幾款Pizza我都好想試，所以呢就再嚟食晚餐啦今次試咗日式大阪燒風味煙三文魚薄餅，我覺得呢個配搭幾新穎，其實淨係煙三文魚都令到個Pizza好夠味，不過我就覺得煙三文魚嘅煙熏味太重，令到成個Pizza好重煙熏味今次試咗慢煮BBQ醬美國豬肋骨伴番薯條同普羅旺斯燉菜，因為我原本係一個好鍾意食薯條嘅人，特別係試過返薯條更加好食，所以我就叫咗呢一個做晚餐。試咗豬肋骨係好驚喜，平時食嘅豬肋骨，醬汁嘅味道好好，但係呢肉點都會烤到有啲「鞋」，但係嗰日食豬肋骨係超冧超軟，冇諗過燒豬肋骨都會有呢種口感，所以我哋好快就清咗豬肋骨啦番薯條都好食，連唔太喜歡食薯條嘅男朋友都食咗好多另外加咗一份魚湯炒西蘭花，我覺得西蘭花就不過不失，反而係個魚湯都可以一試，算係幾清甜飲品方面，因為上次試過水果茶係好啱自己口味，少少水果嘅酸甜，可以解油膩另外一杯就係蘋果玉桂香檸冰茶，但係飲落覺得有一陣藥水味，唔太推薦呢一款飲品