影片
更多
2022-05-15
2144 瀏覽
幾年前朋友介紹食過鰂魚涌 “滙泉居”, 飯店格局, 第一次食山東菜, 大開眼界, 之後番食過好幾次. 後來知道老闆喺灣仔開咗 “齊魯家宴”, 菜式基本一樣, 高級格局, 設有兩三間廂房, 場地更舒適, 搞過幾次飯局. 今日四人小型飯聚.🍽 講講餐廳環境, 大廳呈長條型, 以圓枱為主, 擺枱有難度, 部分坐位唔舒服. 今日點左幾款 “齊魯家宴” 嘅傳統菜式, 包括山東涼菜, 炸臭豆腐, 煙燻白鱔, 九轉迴腸, 草捆牛骨, 韭菜盒子, 拔絲鴛鴦.🍀 山東涼菜. 就係山東嘅沙津. 大蒜味重, 前經理話落咗豬耳. 溫度冇西餐沙律咁凍, 微溫. 甚有特色.🧀 炸臭豆腐. 外脆內嫩, 夠臭. 配埋甜醬豆瓣醬, 十足旺角街頭風味. 讚!🐟 煙燻白鱔. 煙燻係山東菜特式. 柔和嘅煙燻味陣陣滲出, 我鍾意! 白鱔皮脆肉嫩, 係最近幾訪最好食嘅一次. 餐廳名菜之一, 必食推介.😱 九轉迴腸. 即係大腸. 去年冬天初嘗, 入味, 超級好食, 全埸震撼. 可惜今日偏鹹. 下次俾機會再試. 今日借住一粒星, 俾四星.🐂 草捆牛骨. 類似牛腩. 牛味香濃, 肥瘦比例均勻, 夠腍. 點少少自家製醬汁再提升牛味, 一
🍽 講講餐廳環境, 大廳呈長條型, 以圓枱為主, 擺枱有難度, 部分坐位唔舒服. 今日點左幾款 “齊魯家宴” 嘅傳統菜式, 包括山東涼菜, 炸臭豆腐, 煙燻白鱔, 九轉迴腸, 草捆牛骨, 韭菜盒子, 拔絲鴛鴦.
🍀 山東涼菜. 就係山東嘅沙津. 大蒜味重, 前經理話落咗豬耳. 溫度冇西餐沙律咁凍, 微溫. 甚有特色.
山東涼菜
53 瀏覽
0 讚好
0 留言
🧀 炸臭豆腐. 外脆內嫩, 夠臭. 配埋甜醬豆瓣醬, 十足旺角街頭風味. 讚!
炸臭豆腐
51 瀏覽
0 讚好
0 留言
🐟 煙燻白鱔. 煙燻係山東菜特式. 柔和嘅煙燻味陣陣滲出, 我鍾意! 白鱔皮脆肉嫩, 係最近幾訪最好食嘅一次. 餐廳名菜之一, 必食推介.
煙燻白鱔
77 瀏覽
0 讚好
0 留言
😱 九轉迴腸. 即係大腸. 去年冬天初嘗, 入味, 超級好食, 全埸震撼. 可惜今日偏鹹. 下次俾機會再試. 今日借住一粒星, 俾四星.
九轉迴腸
67 瀏覽
0 讚好
0 留言
🐂 草捆牛骨. 類似牛腩. 牛味香濃, 肥瘦比例均勻, 夠腍. 點少少自家製醬汁再提升牛味, 一流! 唔建議點黃色芥辣. 草捆牛骨係我食過最好食嘅牛肉菜式之一, 必食推介.
草捆牛骨
61 瀏覽
0 讚好
0 留言
🌮 韭菜盒子. 又係山東名菜. 夠熱夠脆, 韭菜味道啱啱好. 師傅唔係日日做呢款菜式, 有得食就好食.
韭菜盒子
64 瀏覽
0 讚好
0 留言
🍌 拔絲鴛鴦. 點咗香蕉拼蘋果, 共八件. 出場嘅時候總有人喊出 “總統” 名字. 手工菜式, 糖絲纖幼. 有一次係 “滙泉居” 睇住廚房師傅一絲一絲咁拉, 真係要搞十幾二十分鐘, 睇好過食. 今日賣相比較難影相, 唯有借用去年冬天飯局嘅相. 唔講唔知, 拔絲都係山東菜式.
🤗 總結: “齊魯家宴” 菜式獨特, 食物水準之上, 雖然間有失誤, 每次食完都有番食嘅衝動. 都係果句, 要點啱嘅食物, 午市套飯應該感受唔到餐廳有幾猛料. “開飯嘞” 食評少於20個, 但客似雲來, 實力嘅表現. 如果坐大廳, 建議早少少去揀個舒服嘅位, 大圍食飯嘅話訂房穩陣. 服務OK喎. 期望下次再嚟!
張貼
