新九記粥麵

營業中

休息中

自從之前食過一次新九記之後一直都念念不忘 所以今次都專程嚟到依度再食飯 今次就決定試吓啲新嘢🤓見到呢度豬手咁出名就決定要試吓呢度嘅豬手撈麵😇一碟入邊有三大嚿豬手 真係一啲都唔孤寒 呢度嘅豬手嘅烹調方法同出邊嘅都係一樣都係南乳味 食得出唔同嘅係呢度嘅豬手真係好入味而且膠質好重😋 撈埋落啲面度連啲面都搞到個嘴會將住晒咁🤣🤣 啲面煮得岩岩好 我比較鍾意嘅係一啲鹼水味都冇 唔係普通嘅面店識到嘅真係好唔同 同行朋友就食咗個蝦子撈粗 見到佢食得津津有味 就估到依到既撈麵好出色 蝦子一粒粒掛晒係個面度😆 之後我哋就叫咗個水餃share 水餃入邊有雲耳 同埋仲有啲好大隻又爽口嘅蝦😍 之後我哋就嗌左個粥 滑雞肉丸粥 係店員極度推薦嘅粥 所以我哋就決定一試 點知都完全冇失望因為呢度嘅雞係新鮮雞！肉丸彈牙得來又充滿肉汁 粥底又綿 好滿足🤓😍😍